ଓଡ଼ିଶା ହକି ପାଇଁ ନୟୋଜିତ ହୋଇପାରନ୍ତି ଅନ୍ତର୍ଜାତୀୟସ୍ତରର କୋଚ୍ ଜୁଡେ ଫେଲିକ୍ସ
- ଭୁବନେଶ୍ୱର: ବଦଳି ଗଲାଣି ଓଡ଼ିଶାର ଚିତ୍ର। କ୍ରୀଡ଼ପାଇଁ ଓଡ଼ିଶାକୁ ମିଳିଛି ସ୍ୱତନ୍ତ୍ର ପରିଚୟ। ଅଲିମ୍ପିକ୍ସରେ ୨ ଓଡ଼ିଆ ହକି ଖେଳାଳି ପଦକ ଜିତିବା ପରେ ଓଡ଼ିଶା ହକିର ମାହୋଲ ବଦଳିଯାଇଛି। ଅଧିକରୁ ଅଧିକ ହକି ଖେଳାଳି ଓଡ଼ିଶାରେ ବାହାର କରିବା ପାଇଁ ରାଜ୍ୟ ସରକାର ଅଣ୍ଟା ଭିଡିଛନ୍ତି। ଅନ୍ତର୍ଜାତୀୟସ୍ତରର କୋଚ୍ ନିଯୁକ୍ତି କରିବାକୁ ପ୍ରୟାସ କରାଯାଉଛି। ସେପଟେ ହକି ବିଶ୍ୱକପ ପୂର୍ବରୁ ରାଉରକେଲାର ହକି ଷ୍ଟାଡିୟମ ନିର୍ମାଣ ଶେଷ କରିବାକୁ ଦିଆଯାଇଛି ଡେଡଲାଇନ୍।
- କ୍ରିକେଟ୍ ଓ ଫୁଟବଲକୁ ଛାଡ଼ି ଏବେ ହକି ପଛରେ ବାୟା ରାଜ୍ୟବାସୀ। ହକିର ଏନ୍ତୁଡ଼ିଶାଳ କୁହାଯାଉଥିବା ସୁନ୍ଦରଗଡ଼ରେ ଏବେ ହକିର କ୍ରେଜ୍ କାହିଁରେ କ’ଣ। ଏହାରି ଭିତରେ ଓଡ଼ିଶା ହକିକୁ ଆହୁରି ଶାଣିତ କରିବା ପାଇଁ ରାଜ୍ୟ ସରକାର ଅଣ୍ଟା ଭିଡ଼ିଛନ୍ତି। ଓଡ଼ିଶା ହକି ପାଇଁ ଅନ୍ତର୍ଜାତୀୟସ୍ତରର ଜଣାଶୁଣା କୋଚ୍ ନିଯୁକ୍ତି କରିବାକୁ ରାଜ୍ୟ ସରକାର ଚିନ୍ତା କରୁଛନ୍ତି। ମହାନ ହକି କିମ୍ବଦନ୍ତୀ ଜୁଡେ ଫେଲିକ୍ସ ଓଡ଼ିଶା ହକିର ମଙ୍ଗ ଧରିପାରନ୍ତି।
- ଆଗମୀ ୨୦୨୩ ବିଶ୍ୱକପ୍ ପୂର୍ବରୁ ହକି ଷ୍ଟାଡିୟମର କାମ ଶେଷ ହେବ। ଏଥିପାଇଁ ଡେଡଲାଇନ୍ ରହିଛି ଜୁଲାଇ ୨୦୨୨। କାମର ଅଗ୍ରଗତି ନେଇ ବୈଠକ ଓ ସମୀକ୍ଷା ଜାରି ରହିଛି। ହକିକୁ ରାଜ୍ୟ ସରକାରଙ୍କ ପ୍ରୋତ୍ସାହନ ଜାରି ରହିଛି। ଏଭଳି ସମୟରେ କ୍ରୀଡାରେ କ୍ୟାରିୟର କରିବାକୁ ଅଧିକରୁ ଅଧିକ ଯୁବକ ଆଗ୍ରହ ପ୍ରକାଶ କଲେଣି।