ମୁନିଗୁଡ଼ା,ଏନ୍ଏନ୍ଏସ୍: ରାୟଗଡ଼ା ଜିଲ୍ଲା ମୁନିଗୁଡ଼ା ପାଇକ ସାହିସ୍ଥିତ ବିଜୁ ପଟ୍ଟନାୟକ ଯୁବ ସଂସଦ ଓ ମହାଲକ୍ଷ୍ମୀ ପୂଜା କମିଟିର ମିଳିତ ଆନୁକୂଲ୍ୟରେ ୩୬ତମ ମହାଲକ୍ଷ୍ମୀ ପୂଜା ପାଇଁ ମହାଲକ୍ଷ୍ମୀ ପୂଜା ପଡ଼ିଆରେ ଶୁଭଖୁଣ୍ଟି ସ୍ଥାପନ ପୂଜା ଅନୁଷ୍ଠିତ ହୋଇଯାଇଛି । ମୁଖ୍ୟ ପୁରୋହିତ ଜଗବନ୍ଧୁ ପଣ୍ଡାଙ୍କ ପୌରାହିତ୍ୟରେ ଅନୁଷ୍ଠିତ ଶୁଭଖୁଣ୍ଟି ସ୍ଥାପନ ପୂଜାରେ ପ୍ରଥମେ ବୈଦିକ ରୀତିନୀତି ଅନୁଯାୟୀ କଳସ ସ୍ଥାପନ କରିଯିବା ସହ ବିଭିନ୍ନ ପୂଜାର୍ଚ୍ଚନା ପରେ ଶୁଭ ପକାଯାଉଥିବା ଖୁଣ୍ଟିକୁ ହଳଦୀ, ଚନ୍ଦନ ଓ ସିନ୍ଦୁର ଲେପନ କରି ଶେଷରେ ଶୁଭ ଖୁଣ୍ଟିକୁ ସ୍ଥାପନ କରାଯାଇଥିଲା । କର୍ତ୍ତା ଭାବେ ଅରକ୍ଷିତ ମାର୍ଥାଙ୍କ ଦ୍ୱାରା ସଂକଳ୍ପ କରାଯାଇଥିବାବେଳେ ପୁରୋହିତ ନିକୁଞ୍ଜ ଶତପଥୀ, ସଦାନନ୍ଦ ମହାପାତ୍ର, ସୁରେଶ ରଥ, ଦୁର୍ଗା ପ୍ରସାଦ ପାଢ଼ୀ, ଅଶୋକ କର, ମଙ୍ଗଳା ସାବତ, ଗଣେଶ ରଣା ଓ ସହଯୋଗୀ ତରଣୀ ବେହେରା ପ୍ରମୁଖ ଉପସ୍ଥିତ ରହି ପୂଜାରେ ସହାୟତା କରିଥିଲେ । ଶୁଭଖୁଣ୍ଟି ସ୍ଥାପନ ପୂଜା ବେଳେ ବିଜୁ ପଟ୍ଟନାୟକ ଯୁବ ସଂସଦର ସଭାପତି ଚକ୍ରପାଣି ମାର୍ଥା, ପୂଜା କମିଟିର ସଭାପତି ପୂର୍ଣଚନ୍ଦ୍ର ଗୌଡ଼, ଉପସଭାପତି ସମ୍ବାରୁ କୁମୁରୁକା, ସମ୍ପାଦକ ରମାକାନ୍ତ ମାର୍ଥା, ଯୁଗ୍ମସମ୍ପାଦକ ଚନ୍ଦନ ସାହୁ, କୋଷାଧ୍ୟକ୍ଷ ଅଜିତ ନାୟକ, ଉପଦେଷ୍ଟା ଭାରତବନ୍ଧୁ ନାୟକ, ତିରୁପତି ନାୟକ, ହରିଶ୍ଚନ୍ଦ୍ର ମାର୍ଥା, ନନ୍ଦ କିଶୋର ପଟ୍ଟନାୟକ, ଆଇନ ପରାମର୍ଶ ଉପଦେଷ୍ଟା ସୁଧାକର ମହାରଣା, ସୀମାଞ୍ଚଳ ସାହୁ, ବାବୁ ପଟ୍ଟନାୟକ, ଚନ୍ଦନ ଦାସ, ରାଜାରାମ ଗୋପାଲ, ମୁକେଶ ମହାରଣା, ରାକେଶ ମହାରଣା ଓ କ୍ଷିତୀଶ ସାହୁ ପ୍ରମୁଖଙ୍କ ସମେତ ମୁନିଗୁଡ଼ାର ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ଉପସ୍ଥିତ ଥିଲେ ।
