ଦେବଗଡ଼,ଏନ୍ଏନ୍ଏସ୍ : ଇଣ୍ଡିଆନ ଓଭରସିଜ ବ୍ୟାଙ୍କର ଦେବଗଡ଼ ଶାଖା ଆଜି ଉଦଘାଟିତ ହୋଇଯାଇଛି । ପୂର୍ବାହ୍ନରେ ଶାସନ ସାହିରେ ଥିବା ବ୍ୟାଙ୍କ ଶାଖା ପରିସରରେ ବ୍ୟାଙ୍କ ପରିଚାଳକ ସନ୍ଦୀପ ଧୀରଙ୍କ ତତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ଅତିଥିଭାବେ ଦେବଗଡ଼ ବିଧାୟକ ସୁବାଷ ଚନ୍ଦ୍ର ପାଣିଗ୍ରାହୀ, ଭୁବନେଶ୍ୱରସ୍ଥିତ ଇଣ୍ଡିଆନ ଓଭରସିଜ ବ୍ୟାଙ୍କ ରିଜିଓନାଲ ମ୍ୟାନେଜର ଗୌରବ ଭରଦ୍ୱାଜ, ଏଜିଏମ ଶଶିକାନ୍ତ ଭାରତୀ ଓ ସିଏମ ଅଜିତ ପାତ୍ର ପ୍ରମୁଖ ଯୋଗଦେଇ ପ୍ରଦୀପ ପ୍ରଜ୍ୱଳନ ପୂର୍ବକ ଫିତା କାଟି ବ୍ୟାଙ୍କ ନୂତନ ଶାଖାର ଶୁଭାରମ୍ଭ କରିଥିଲେ । ଏହି ଅବସରରେ ଦେବଗଡ଼ ଜିଲ୍ଲାର ବିକାଶରେ ଇଣ୍ଡିଆନ ଓଭରସିଜ ବ୍ୟାଙ୍କ ସହଭାଗିତା ରହିବା ସହ ସରକାରୀ ଯୋଜନା ଓ ବୃତ୍ତିଗତ କ୍ଷେତ୍ରରେ ଆର୍ôଥକ ସହଯୋଗ ଯୋଗାଇବାକୁ ଶାଖା ପ୍ରସ୍ତୁତ ରହିଥିବା ଆରଏମ ଶ୍ରୀ ଭରଦ୍ୱାଜ ପ୍ରକାଶ କରିଛନ୍ତି ।
