ଜାମ୍ମୁ: ନିୟନ୍ତ୍ରଣ ରେଖାରେ ବାରମ୍ବାର ଅସ୍ତ୍ରବିରତି ଉଲ୍ଲଂଘନ କରି ଆତଙ୍କବାଦୀଙ୍କୁ ଭାରତୀୟ ସୀମାରେ ପ୍ରବେଶ କରାଇବାର ଉଦ୍ୟମ ପାକ୍ ସେନାକୁ ମହଙ୍ଗା ପଡ଼ିଛି। ଭାରତୀୟ ଯବାନଙ୍କ ଦୃଢ଼ ଜବାବ ଫଳରେ ୧୦ ପାକ୍ ସୈନ୍ୟ ନିହତ ହୋଇଛନ୍ତି। ପୁଞ୍ଚ ଜିଲାର କୃଷ୍ଣା ଘାଟି ଏବଂ ମନକୋଟରେ ଭାରତୀୟ ଯବାନଙ୍କ ଗୁଳିରେ ଏମାନଙ୍କ ମୃତ୍ୟୁ ଘଟିଛି। ଶୁକ୍ରବାର ସୁଦ୍ଧା ମୃତ୍ୟୁ ସଂଖ୍ୟା ୬ ଥିବା ଜଣାପଡ଼ିଥିଲା। ଶନିବାର ଏହି ସଂଖ୍ୟା ୧୦ରେ ପହଞ୍ଚିଥିବା ସୂଚନା ମିଳିଛି। ଏହା ସହିତ ପିଓକେର ବଟ୍ଟଲ ଅଞ୍ଚଳରେ ଥିବା ପାକ୍ ସେନାର ୨ଟି ଶିବିର ଧ୍ଵଂସ ହୋଇଯାଇଛି। ପାକ୍ ସୈନ୍ୟଙ୍କ ମୃତ୍ୟୁ ସଂଖ୍ୟା ଆହୁରି ବଢ଼ିପାରେ ବୋଲି କୁହାଯାଉଛି।
