ନୂଆଦିଲ୍ଲୀ: ଏସିଆନ ଗେମ୍ସରେ ଭାରତକୁ ଆଉ ଏକ ସ୍ୱର୍ଣ୍ଣ ପଦକ ମିଳିଛି । ଟେନିସ ମିକ୍ସଡ ଡବଲ୍ସରେ ରୋହନ ବୋପନ୍ନା ଓ ଋତୁଜା ଭୋସଲେଙ୍କ ଯୋଡ଼ି ସ୍ୱର୍ଣ୍ଣ ପଦକ ଜିତିବାରେ ସଫଳ ହୋଇଛନ୍ତି । ଭାରତୀୟ ଯୋଡ଼ି ଫାଇନାଲରେ ତାଇପେ ଯୋଡ଼ିକୁ ୨-୬, ୬-୩ ଓ ୧୦-୪ରେ ହରାଇଛନ୍ତି । ଭାରତୀୟ ଯୋଡ଼ି ଫାଇନାଲ ମୁକାବିଲାରେ ପ୍ରଥମ ସେଟ ହାରି ଯାଇଥିଲେ । କିନ୍ତୁ ଦ୍ୱିତୀୟ ସେଟରେ ରୋହନ ଓ ଋତୁଜା ଜବରଦସ୍ତ ପ୍ରତ୍ୟାବର୍ତ୍ତନ କରି ଶେଷରେ ସୁପର ଟାଇ ବ୍ରେକରେ ମୁକାବିଲା ଜିତିଥିଲା ।
