ସେହିପରି ଆଇସିସି ୨୦୨୧ ବର୍ଷର ପୁରୁଷ ଟ୍ବେଣ୍ଟି୨୦ କ୍ରିକେଟ ଏକାଦଶରେ ପାକିସ୍ତାନର ବାବର ଆଜମ୍ ଅଧିନାୟକ ରହିଥିବା ବେଳେ ଭାରତରୁ ଜଣେ ହେଲେ ଖେଳାଳିଙ୍କୁ ସ୍ଥାନ ମିଳିନାହିଁ। ୨୦୨୧ରେ ବାବର ୨୯ଟି ମ୍ୟାଚ ଖେଳି ୩୭.୫୬ ଆଭ୍ରେଜେର ୯୩୯ ରନ କରିଛନ୍ତି; ଯେଉଁଥିରେ ୯ଟି ଅର୍ଦ୍ଧଶତକ ମଧ୍ୟ ରହିଛି। ୟୁଏଇ ଓ ଓମାନରେ ଆୟୋଜିତ ଟ୍ବେଣ୍ଟି୨୦ ବିଶ୍ବକପ-୨୦୨୧ରେ ବାବର ସର୍ବାଧିକ ରନ୍ ସ୍କୋର କରିଥିଲେ। ସେହିପରି ଦଳରେ ଅଷ୍ଟ୍ରେଲିଆରୁ ୨ଜଣ ଖେଳାଳି ମିଚେଲ ମାର୍ଶ ଓ ଜୋସ ହାଜେଲଉଡ୍ ରହିଥିବା ବେଳେ ପାକିସ୍ତାନରୁ ବାବର ଆଜମ୍ଙ୍କ ସମେତ ୱିକେଟ ରକ୍ଷକ ମହମ୍ମଦ ରିଜ୍ୱାନ ଓ ବାମହାତି ଫାଷ୍ଟବୋଲର ସାହିନ୍ ଶାହା ଆଫ୍ରିଦି ରହିଛନ୍ତି। ରିଜ୍ୱାନ ଗତବର୍ଷ ଟ୍ବେଣ୍ଟି୨୦ କ୍ରିକେଟରେ ୨୯ଟି ମ୍ୟାଚ ଖେଳି ୧୩୨୬ ରନ କରିଥିଲେ। ସେହିପରି ଦ୍ରୁତ ବୋଲର ଆଫ୍ରିଦି ୨୧ଟି ମ୍ୟାଚ ଖେଳି ୨୩ଟି ୱିକେଟ ନେଇଥିଲେ।
