ନୂଆଦିଲ୍ଲୀ: ଝାଡଖଣ୍ଡର ଖଣି ସଚିବ ପୂଜା ସିଂଘଲଙ୍କୁ ଇଡି ଗିରଫ କରିଛି । ମନରେଗା ଅର୍ଥ ହେରଫେର ସହ ଜଡ଼ିତ ମାମଲାରେ ଲଗାତାର ୨ ଦିନ ହେବ ଆଇଏଏସ ପୂଜା ଇଡ଼ି ଅଫିସରେ ହାଜର ହୋଇଥିଲେ । ପଚରାଉଚୁରା ପରେ ଇଡ଼ି ଆଜି ତାଙ୍କୁ ଗିରଫ କରିଛି । ଆସନ୍ତାକାଲି ତାଙ୍କୁ ରାଞ୍ଚିର ସ୍ୱତନ୍ତ୍ର ଅଦାଲତରେ ହାଜର କରାଯିବ । ପୂଜାଙ୍କ ବ୍ୟବସାୟୀ ସ୍ୱାମୀ ଅଭିଷେକ ଝାଙ୍କ ବୟାନ ମଧ୍ୟ ଇଡ଼ି ରେକର୍ଡ କରିଛି ।
ସୂଚନାଯୋଗ୍ୟ, ଏହି ମାମଲାରେ ଇଡି ଚାଟାର୍ଡ ଆକାଉଣ୍ଟାଣ୍ଟ ସୁମନ କୁମାରଙ୍କୁ ମେ’ ୨୭ରେ ଗିରଫ କରିଥିଲା । ସୁମଙ୍କଠାରୁ ନଗଦ ୧୭ କୋଟି ଟଙ୍କା ଜବତ କରିବା ପରେ ଇଡ଼ି ତାଙ୍କୁ ଗିରଫ କରିଥିଲା । ସେ ମେ’ ୧୧ ପର୍ଯ୍ୟନ୍ତ ପୁଲିସ ହେପାଜତରେ ରହିବେ । ସୁମନ ହେଉଛନ୍ତି ଆଇଏଏସ ଅଧିକାରୀ ପୂଜା ସିଂଘଲଙ୍କ ଆର୍ଥିକ ପରାମର୍ଶଦାତା ।
