ସଇଁନ୍ତଲା,ପାଟଣାଗଡ଼,ଏନ୍ଏନ୍ଏସ୍: ପାରିବାରିକ କଳହରୁ ସ୍ୱୀକୁ ହତ୍ୟା କଲା ଜହ୍ଲାଦ ସ୍ୱାମୀ । ଏଭଳି ଏକ ଅଭାବନୀୟ ଘଟଣା ବଲାଙ୍ଗିର ଜିଲ୍ଲା ସଇଁନ୍ତଲା ଥାନା ଟିକ୍ରାପଡ଼ା ଫାଣ୍ଡି ଝରବାହାଲି ଗାଁରେ ଘଟିଛି । ମିଳିଥିବା ରିପୋର୍ଟ ମୁତାବକ, ଆଜି ସକାଳୁ ଲମ୍ବୋଦର ନାୟକଙ୍କ ସ୍ତ୍ରୀ ବବି କଅଁର ବିଲକୁ କପା ଲଗାଇବାକୁ ଯାଇଥିବାବେଳେ ସେହି ସ୍ଥାନରେ ଲମ୍ବୋଦର ଫାଉଡ଼ାରେ ଚୋଟ ମାରି ଫେରାର ହୋଇଯାଇଥିଲା । ବବିଙ୍କୁ ମୁର୍ମୁଷ ଅବସ୍ଥାରେ ପାଟଣାଗଡ଼ ଉପଖଣ୍ଡ ଚିକିତ୍ସାଳୟକୁ ଅଣାଯାଇଥିଲା କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରେ ଟିକ୍ରାପଡ଼ା ଗାଁଲୋକେ ଲମ୍ବୋଦରକୁ କାବୁ କରି ପୁଲିସକୁ ଖବର ଦେଇଥିଲେ । ପୁଲିସ ଲମ୍ବୋଦରକୁ ଉଦ୍ଧାର କରିବା ସହ ଫାଣ୍ଡିରେ ଅଟକ ରଖି ପଚରାଉଚରା କରୁଛି । ଅନ୍ୟପଟେ ପୁଲିସ ଏକ ମାମଲା ରୁଜୁ କରି ତଦନ୍ତ ମଧ୍ୟ ଜାରି ରଖିଛି ।
