ପାଟଣାଗଡ,ଏନ୍ଏନ୍ଏସ୍: ପାଟଣାଗଡ ବ୍ଲକ ଭରତବାହାଲ ଗ୍ରାମରେ ସ୍ୱାମୀର ଟାଙ୍ଗିଆ ଚୋଟରେ ସ୍ତ୍ରୀର ମୃତ୍ୟୁ। ମୃତକ ହେଲେ ପୁରନ୍ଦର ନାଏକଙ୍କ ସ୍ତ୍ରୀ ଅମ୍ବିକା ନାଏକ। ଗତକାଲି ସନ୍ଧ୍ୟା ସମୟରେ ଅମ୍ବିକାର ସ୍ୱାମୀ ମଦ୍ୟପାନ କରି ଘରକୁ ଆସିଥିଲେ।
ଘରେ ଅମ୍ବିକା ପୋଷିଥିବା ଏକ ଠେକୁଆକୁ ମାରି ମାଂସ ଖାଇବାକୁ ପୁରନ୍ଦର ଜିଦ ଧରିଥିଲେ ଯାହାକୁ ଅମ୍ବିକା ବିରୋଧ କରିଥିଲେ। ଏଥିରେ ଉତକ୍ଷିପ୍ତ ହୋଇ ଏକ ଟାଙ୍ଗିଆରେ ନିଜ ସ୍ତ୍ରୀର ମୁଣ୍ଡ ପଛପଟେ ଆକ୍ରମଣ କରିଥିବା ମୃତକ ଅମ୍ବିକାର ମା ଜୟନ୍ତୀ ଅଭିଯୋଗ କରିଛନ୍ତି। ଘଟଣାସ୍ଥଳରେ ଅମ୍ବିକାର ମୃତ୍ୟୁ ହୋଇଥିବା ବେଲେ ପୁରନ୍ଦର ଥାନାରେ ଅତ୍ମସର୍ମପଣ କରିଥିବା ପାଟଣାଗଡ ଏସଡିପିଓ ଜ୍ୟୋତିର୍ମୟ ଭକ୍ତା କହିଛନ୍ତି।
ଘଟଣାସ୍ଥଳରେ ଲରମ୍ଭା ପୁଲିସ, ସାଇଣ୍ଟିଫିକ ଟିମ୍ ସହ ପାଟଣାଗଡ ମାଜିଷ୍ଟ୍ରେଟ କ୍ଷୀରୋଦ୍ର ସାହୁ ଉପସ୍ଥିତ ରହି ଅଧିକ ତଦନ୍ତ ଜାରିରହିଥିବା ସୂଚନା ଦେଇଛନ୍ତି। ଅନ୍ୟପକ୍ଷରେ ପୁଲିସର ଅଧିକ ତଦନ୍ତ ଜାରି ରହିଛି।
