ମାଲକାନଗିରି,ଏନ୍ଏନ୍ଏସ୍: ମାଲକାନଗିରି ଆଦର୍ଶ ଥାନା ଅନ୍ତର୍ଗତ ଏମ.ଭି-୮୭ ଗ୍ରାମର ଜଣେ ବ୍ୟକ୍ତି ନିଆଁ ଲଗାଇ ସ୍ତ୍ରୀଙ୍କୁ ହତ୍ୟା କରିବାକୁ ଉଦ୍ୟମ କରିଥିବା ଜଣାପଡିଛି। ଏଥିରେ ଉଭୟ ପୋଡିଯାଇଥିବା ବେଳେ ମହିଳା ଜଣଙ୍କୁ ଗୁରୁତ୍ବର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ଉକ୍ତ ଗ୍ରାମର ସୁମନ୍ତ ଚୌଧୁରୀ ତାଙ୍କ ସ୍ତ୍ରୀ ସୀମାଙ୍କ ମଧ୍ୟରେ ଘୋରାଇ କଳିକୁ ନେଇ ଗଣ୍ଡଗୋଳ ହୋଇଥିଲା। ପରେ ସୁମନ୍ତ ଅତ୍ୟଧିକ କ୍ରୋଧିତ ହୋଇ ସ୍ତ୍ରୀ ସୀମାଙ୍କ ଉପରେ କିରାସିନି ଢାଳି ନିଆଁ ଲଗାଇ ଦେଇଥିଲା। ସ୍ତ୍ରୀ ନିଜକୁ ବଞ୍ଚିବାକୁ ଯାଇ ସ୍ୱାମୀଙ୍କୁ ଧରିଦେବାରୁ ଏଥିରେ ତାଙ୍କ ସ୍ୱାମୀ ମଧ୍ୟ ଗୁରୁତ୍ବର ଆହତ ହୋଇଥିଲେ। ପରେ ପରିବାର ଓ ଗ୍ରାମବାସୀ ମାନେ ନିଆଁକୁ ଲିଭାଇ ମାଲକାନଗିରି ଚିକିତ୍ସାଳୟରେ ଭର୍ତି କରାଇଛନ୍ତି। ପୁଲିସ ଖବରପାଇ ତଦନ୍ତ ଆରମ୍ଭ କରିଛି।
