କୋରୁକୋଣ୍ଡା,ଏନ୍ଏନ୍ଏସ୍ : ମାଲକାନଗିରି ଜିଲ୍ଲା ଓରକେଲ ବାଲିମେଳା ଥାନା ଅନ୍ତର୍ଗତ ବାଲିମେଳା ନଗରର ଡ୍ରଗଲାଇନରେ ସ୍ତ୍ରୀ କୁ ହତ୍ୟା କରିବା ଉଦ୍ୟମରେ ସ୍ୱାମୀକୁ ଗିରଫ କରାଯାଇଛି । ଗିରଫ ସ୍ୱାମୀ ହେଲେ ସୁରେନ୍ଦ୍ର ମହାରଣା(୪୫) ।
ମିଳିଥିବା ସୂଚନା ଅନୁଯାୟୀ, ସୁରେନ୍ଦ୍ର ଗତ ୧୯/୦୭/୨୦୦୮ ରେ ସେହି ଅଂଚଳର ରିତାଞ୍ଜଳି ମହାରଣାଙ୍କୁ ବିବାହ କରିଥିଲେମ। ବିବାହ ପରଠାରୁ ସ୍ୱାମୀ ଯୌତୁକ ନିମନ୍ତେ ସ୍ତ୍ରୀ କୁ ଶାରୀରିକ ଓ ମାନସିକ ନିର୍ୟ୍ୟାତନା ଦେଇ ଆସୁଥିଲା । ଗତକାଲି ରାତି ୧୧.୩୦ ସମୟରେ ସ୍ତ୍ରୀ କୁ ନିଦରୁ ଉଠାଇ ମାର ପିଟ କରିଥିଲା ସ୍ୱାମୀ ଏବଂ ରାଗିଯାଇ ସେ ଇଲେକ୍ଟ୍ରିକ ସକ ସ୍ତ୍ରୀକୁ ଲଗାଇଥିଲା । ଏଥିରେ ସ୍ତ୍ରୀ ଏବଂ ସାନ ଝିଅ ମଧ୍ୟ ଆଘାତ ପାଇଥିଲେ ।
ପୁନର୍ବାର ଆଜି ସକାଳେ ସ୍ତ୍ରୀ ରିତା ଓ ତାଙ୍କ ଝିଅକୁ ମାର ପିଟ କରିଥିଲା । ଶେଷରେ ସ୍ତ୍ରୀ ରିତା ବାଧ୍ୟ ହୋଇ ଓରକେଲ ଥାନାରେ ଲିଖିତ ଅଭିଯୋଗ କରିଥିଲେ । ଏହାପରେ ଓରକେଲ ପୋଲିସ ଏକ ମାମଲା ରୁଜୁ କରି ସ୍ୱାମୀ ସୁରେନ୍ଦ୍ରକୁ ଗିରଫ କରି କୋର୍ଟ ଚାଲାଣ କରାଯାଇଥିବା ଥାନାଧିକାରୀ ଜଗଦୀଶ ବାରା ସୂଚନା ଦେଇଛନ୍ତି ।
