ଫିରିଙ୍ଗିଆ,ଏନ୍ଏନ୍ଏସ୍: ଫିରିଙ୍ଗିଆ ବ୍ଲକ ଉନ୍ନୀତ ଉଚ୍ଚ ମାଧ୍ୟମିକ ବିଦ୍ୟାଳୟରେ ମହୁମାଛି ଆକ୍ରମଣରେ ୬ଜଣ ଆହତ ଓ ଜଣେ ଗୁରୁତର ହୋଇଥିବା ଜଣାପଡ଼ିଛି । ମିଳିଥିବା ରିପୋର୍ଟ ମୁତାବକ, ବିଦ୍ୟାଳୟ ପରିସରରେ ଥିବା ଶିମୁଳି ଗଛରେ ବସା ବାନ୍ଧିଥିବା ବାଘ ମହୁ କୌଣସି କାରଣରୁ ଏଣେତେଣେ ହୋଇ ୪ ଛାତ୍ରଛାତ୍ରୀ, ଜଣେ ଶିକ୍ଷୟତ୍ରୀ ଓ ଜଣେ ପିଅନକୁ ଆକ୍ରମଣ କରିଥିଲା । ଶିକ୍ଷୟତ୍ରୀ ନନ୍ଦିନୀ ପ୍ରଭା ମହାପାତ୍ର ଗୁରୁତର ଆହତ ହୋଇଥିବାବେଳେ ଅନ୍ୟ ୫ଜଣ ଆହତ ହୋଇଛନ୍ତି । ଅନ୍ୟପଟେ ଏହି ବିଦ୍ୟାଳୟରେ ପୂର୍ବରୁ ବାରମ୍ବାର ମହୁମାଛି ଆକ୍ରମଣ କରିଥିବାବେଳେ କିଛି ଶିମୁଳି ଗଛ କଟା ଯାଇଥିଲା । ହେଲେ ଏବେ ବି କିଛି ବଡ଼ ଗଛ ରହିଥିବାରୁ ବହୁ ମହୁମାଛି ବସା କରିଛନ୍ତି ତେଣୁ ଏହାକୁ କାଟି ମହୁ ବସା ନଷ୍ଟ କରିବାକୁ ଅଞ୍ଚଳର ଜନସାଧାରଣ ଏବଂ ବିଦ୍ୟାଳୟ ପରିଚାଳନା କମିଟି ତରଫରୁ ଦାବୀ କରାଯାଇଛି ।
