ବାଲିଗୁଡ଼ା,ଏନ୍ଏନ୍ଏସ୍: କନ୍ଧମାଳ ଜିଲ୍ଲା ବାଲିଗୁଡ଼ା ୫୯ନଂ. ଜାତୀୟ ରାଜପଥର ବସଷ୍ଟାଣ୍ଡ ଓ ଆଦର୍ଶ ପୁଷ୍କରିଣୀ ନିକଟରେ ଥିବା ଡ୍ରେନ ଉପରକୁ ଏକ ହାଇୱା ଭାରସାମ୍ୟ ହରାଇ ଚଢ଼ିଯାଇଛି । ଫଳରେ ଡ୍ରେନ ଉପରେ ଫୁଟପାଥରେ ବିକ୍ରି କରୁଥିବା ଏକ ଜାଲ ଦୋକାନର ସମସ୍ତ ଜିନିଷ ପତ୍ର ନଷ୍ଟ ହେବାସହ ଦୋକାନୀ ଗୁରୁତର ହୋଇଛନ୍ତି । ଦୋକାନୀ ଜଣକ କଲିକତା ମାଲଦା ଜିଲ୍ଲାର ରାମଶଙ୍କର ଟୋଲା ବୋଲି ଜଣାପଡ଼ିଛି । ଖବର ପାଇ ଘଟଣାସ୍ଥଳରେ ବାଲିଗୁଡ଼ା ପୁଲିସ ପହଞ୍ଚି ଗୁରୁତର ଅବସ୍ଥାରେ ଜାଲ ବ୍ୟବସାୟୀ ଶ୍ରୀ ଟୋଲାଙ୍କୁ ବାଲିଗୁଡ଼ା ମେଡ଼ିକାଲରେ ଭର୍ତ୍ତି କରାଇବା ସହ ହାଇୱା ଓ ଡ୍ରାଇଭରକୁ ଅଟକ ରଖି ପଚରାଉଚୁରା କରୁଛି ।
