ଘରୋଇ ବିଦ୍ୟାଳୟକୁ ଯାଇ ମଧ୍ୟାହ୍ନ ଭୋଜନର ମାନ ପରଖିଲେ ସ୍ୱାସ୍ଥ୍ୟ ମନ୍ତ୍ରୀ 

ସୁନ୍ଦରଗଡ଼,ଏନ୍ଏନ୍ଏସ୍: ବିଦ୍ୟାଳୟରେ ଛାତ୍ରଛାତ୍ରୀଙ୍କ ସହ ମିଶି ମଧ୍ୟାହ୍ନ ଭୋଜନ ଖାଇଲେ ସ୍ୱାସ୍ଥ୍ୟ ମନ୍ତ୍ରୀ ନବ ଦାସ। ଶନିବାର ସ୍ୱାସ୍ଥ୍ୟ ମନ୍ତ୍ରୀ ନବ ଦାସ ସୁନ୍ଦରଗଡ଼ ଆସିଥିଲେ। ଏହି ସମୟରେ ଟାଙ୍ଗରପାଲି ବ୍ଲକ୍‌ର ଯୋଗୀମାଲ ଉଚ୍ଚ ପ୍ରାଥମିକ ବିଦ୍ୟାଳୟ ପରିଦର୍ଶନ କରିଥିଲେ।

ଏହା ଏକ ଘରୋଇ ବିଦ୍ୟାଳୟ ହୋଇଥିବାରୁ ଏଠାରେ ଛାତ୍ରଛାତ୍ରୀମାନଙ୍କ ପାନୀୟ ଓ ଖାଦ୍ୟକୁ ଯାଞ୍ଚ କରିଥିଲେ। ଏହି ପରିପ୍ରେକ୍ଷୀରେ ଶ୍ରୀ ଦାସ ଛାତ୍ରଛାତ୍ରଙ୍କ ସହ ବସି ଭୋଜନ ମଧ୍ୟ ଖାଇ ମାନ ପରିଖିଥିଲେ। ଏହି ସମୟରେ ସୁନ୍ଦରଗଡ଼ ଉପଜିଲ୍ଲାପାଳ ଅଭିମନ୍ୟୁ ବେହେରା ଓ ପୂର୍ବତନ ବିଧାୟକ ଯୋଗେଶ ସିଂ ମଧ୍ୟ ଉପସ୍ଥିତ ଥିଲେ ।