ଝାରସୁଗୁଡ଼ା, ଏନ୍ଏନ୍ଏସ୍: ଝାରସୁଗୁଡା ଜିଲ୍ଲା ଲଖନପୁର ବ୍ଲକ ରେଙ୍କୁଲି ଗ୍ରାମରେ ଧାନ କଟା ଚାଲିଥିବାବେଳେ ହଠାତ୍ ହାରଭେଷ୍ଟର ମସିନରେ ନିଆଁ ଲାଗି ଯାଇଥିଲା। ଏଥିରେ ଡ୍ରାଇଭର ଓ ଶ୍ରମିକମାନେ ଅଳ୍ପକେ ବର୍ତ୍ତିଯାଇଛନ୍ତି। ସୂଚନା ଅନୁଯାୟୀ, ଆଜି ଅପରାହ୍ଣରେ ରେଙ୍କୁଲି ଗ୍ରାମର ହେମସାଗର ସା ତାଙ୍କ ବିଲରେ ଛତିଶଗଡ ବିଜୟ ଗୁପ୍ତାଙ୍କର ହାରଭେଷ୍ଟର ମେସିନରେ ଧାନ କାଟୁଥିଲେ। ଏହି ସମୟରେ ଯାନ୍ତ୍ରୀକ ତୃଟି ଯୋଗୁଁ ସର୍ଟସର୍କିଟ ହୋଇ ହାରଭେଷ୍ଟରରେ ନିଆଁ ଲାଗିଯାଇଥିଲା। ଲଖନପୁର ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ।
