କଳାହାଣ୍ଡି,ଏନ୍ଏନ୍ଏସ୍: କଳାହାଣ୍ଡି ଆରକ୍ଷୀ ଅଧିକ୍ଷକ ପାଖରେ ଜଣେ ହାର୍ଡକୋର ମାଓବାଦୀ ଆତ୍ମସମର୍ପଣ କରିଛି। ଏନେଇ କଳାହାଣ୍ଡି ପୋଲିସ ଆରକ୍ଷୀ ଅଧିକ୍ଷକ ବି ଗଙ୍ଗାଧର ଏକ ପ୍ରେସମିଟ ଜରିଆରେ ପ୍ରକାଶ କରିଛନ୍ତି । ଆତ୍ମସମର୍ପଣ କରିଥିବା ଦୁର୍ଦାନ୍ତ ମାଓବାଦୀଙ୍କ ନାଁ ରାମଦାସ ଓରଫ କେସ ବୋଲି ଏସପି ସୂଚନା ଦେଇଛନ୍ତି ।
ସେ ୨୦୦୯ ରେ ମାଓବାଦୀ ସଂଗଠନ ରେ ଯୋଗଦେଇଥିବାବେଳେ ୨୦୧୦ରୁ ୨୦୧୮ ପର୍ୟ୍ୟନ୍ତ କନ୍ଧମାଳର ଖଡଙ୍ଗ ଏରିଆ କମିଟି ଓ କଳାହାଣ୍ଡି ର ଏମ. ରାମପୁର ଥାନାର ରାହୁଲ ଏରିଆ କମିଟିର ସଦସ୍ୟ ଭାବେ କାର୍ୟ୍ୟ କରିଆସୁଥିଲେ । ସେ କଳାହାଣ୍ଡି ଜିଲ୍ଳାର ଏମ ରାମପୁର ଥାନାର ବିଭିନ୍ନ ଅଞ୍ଚଳରେ ମାଓବାଦୀଙ୍କ ବର୍ବର କାଣ୍ଡ ରେ ସାମିଲ ଥିବା ଏସପି ସୂଚନା ଦେଇଛନ୍ତି ।
