ବାଲେଶ୍ୱର,ଏନ୍ଏନ୍ଏସ୍: ବାଲେଶ୍ୱର ଜିଲ୍ଲା ଭୋଗରାଇ ଥାନା ଅନ୍ତର୍ଗତ ବିଚେତ୍ରପୁର ଗାଁ ପୋଖରୀ ହୁଡାରୁ ଜଣେ ମହିଳାଙ୍କ ଅର୍ଦ୍ଧ ଦଗ୍ଧ ମୃତଦେହ ଉଦ୍ଧାର ହୋଇଛି। ତେବେ ମୃତ୍ୟୁର କାରଣ ଅସ୍ପଷ୍ଟ ରହିଛି। ସୂଚନା ଅନୁସାରେ ମୃତ ମହିଳାଙ୍କ ସ୍ୱାମୀ ରାଜ୍ୟ ବାହାରେ କାମ କରନ୍ତି। ତେବେ କେହି ଜଣେ ମହିଳାଙ୍କୁ ହତ୍ୟା କରି ଗାଁ ପୋଖରୀ ହୁଡାରେ ପକାଇଥିଲେ। ଏଥିସହିତ ମହିଳାଙ୍କ ଶବକୁ ପୋଡି ଦେବାକୁ ଉଦ୍ୟମ ମଧ୍ୟ କରାଯାଇଥିବା ଜଣାପଡ଼ିଛି। ପୁଲିସ ଖବର ପାଇ ଘଟଣାସ୍ଥଳକୁ ଯାଇ ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଆରମ୍ଭ କରିଛି।
