କୋରୁକୋଣ୍ଡା,ଏନ୍ଏନ୍ଏସ୍ :ମାଲକାନଗିରି ଜିଲ୍ଲା ଓରକେଲ ପୁଲିସକୁ ମିଳିଛି ପୁଣି ଏକ ବଡ଼ ସଫଳତା। ଗଂଜେଇ ବୋଝେଇ ମହେନ୍ଦ୍ରା ପିକଅପ ଗାଡି ସହ ୫୦୩ କିଲୋ ୮୦୦ ଗ୍ରାମ ସହ ଜଣେ ଅଭିଯୁକ୍ତ ଗିରଫ। ଗିରଫ ବ୍ୟକ୍ତି ଜଣକ ହେଲେ ବିଶ୍ୱଜିତ ମଣ୍ଡଳ(୩୩)। ସେ ଏମ ଭି ୭୯ ଥାନା ଅନ୍ତର୍ଗତ ଏମ ପି ଭି ୪୯ ଗ୍ରାମର ବୋଲି ଜଣାପଡିଛି।
ମିଳିଥିବା ସୂଚନା ଅନୁଯାୟୀ, ଓରକେଲ (ବାଲିମେଳା) ପୁଲିସ ବିଶେଷ ସୂତ୍ରରୁ ଖବର ପାଇ ଗତକାଲି ସନ୍ଧ୍ୟା ସମୟରେ ଥାନାଧିକାରୀଙ୍କ ନିର୍ଦେଶକ୍ରମେ ଏସ ଆଇ କୃତିବାସ ବେହେରା ଙ୍କ ନେତୃତ୍ୱରେ ଏକ ଟିମ ଗଠନ କରି ସୋରଲୁକୋଣ୍ଡା ହାଟପଦା ନିକଟରେ ଗାଡି ଯାଞ୍ଚ କରୁଥିଲେ। ଏହି ସମୟରେ ଏକ ପିକ ଅପ ଗାଡି ଦ୍ରୁତ ଗତିରେ ଆସୁଥିବାର ଦେଖି ଅଟକାଇଥିଲେ। ସେହି ଗାଡି ଯାଞ୍ଚ ସମୟରେ ଗଂଜେଇ ଥିବା ଦେଖିବାକୁ ମିଳିଥିଲା।
ଜବତ ଗାଡିକୁ ଓରକେଲ ଥାନାକୁ ଅଣାଯାଇଥିଲା। ପାଖାପାଖି ୧୧ ଟି ପ୍ୟାକେଟରେ ୫୦୩ କିଲୋ ଗଂଜେଇ ପାଇଥିଲେ। ବିଶ୍ୱଜିତ ଏହି ଗଂଜେଇକୁ ଏମ ଭି ୫୨ ରାସ୍ତା ଦେଇ ଛତିଶଗଡ଼କୁ ଚାଲାଣ କରୁଥିବା ତଦନ୍ତକାରୀ ଅଧିକାରୀ କୃଷ୍ଣା କୁମାରୀ ପ୍ରଧାନ ସୂଚନା ଦେଇଛନ୍ତି। ଏହି ଗଂଜେଇ ର ଆନୁମାନିକ ମୂଲ୍ୟ ୨ ଲକ୍ଷ ରୁ ଉର୍ଦ୍ଧ୍ବ ହେବ ବୋଲି ଜଣାପଡିଛି। ଆଜି ଏକ ମାମଲା ରୁଜୁ କରି ବିଶ୍ୱଜିତକୁ ଗିରଫ କରି କୋର୍ଟ ଚାଲାଣ କରାଯାଇଥିବା ଥାନାଧିକାରୀ ସୂଚନା ଦେଇଛନ୍ତି।
