ପୁରୀ,ଏନ୍ଏନ୍ଏସ୍: ବଲିଉଡ ଜଗତର ବିଶିଷ୍ଟ କଳାକାର ଗୋବିନ୍ଦା ଆହୁଜା ଗତକାଲି ରାତି ପ୍ରାୟ ସାଢ଼େ ୯ଟାରେ ଶ୍ରୀମନ୍ଦିରରେ ପହଞ୍ଚି ମହାପ୍ରଭୁଙ୍କ ଦର୍ଶନ କରିଥିବା ଜଣାଯାଇଛି। ଗୋବିନ୍ଦାଙ୍କ ସହ ତାଙ୍କର ଧର୍ମପତ୍ନୀ ସୁନୀତା ଆହୁଜା ମଧ୍ୟ ଆସିଥିଲେ।
ଶନିବାର ଦିନ ସୁନୀତା ଜଗନ୍ନାଥ ମନ୍ଦିର ଆଶି ମହାପ୍ରଭୁଙ୍କୁ ଦର୍ଶନ କରି ଫେରିବା ପରେ ପୁଣି ଶନିବାର ରାତ୍ରିରେ ଉଭୟ ସ୍ୱାମୀ-ସ୍ତୀ ମହାପ୍ରଭୁଙ୍କ ଦର୍ଶନ କରି ଫେରିଥିଲେ। ଏହି ଅବସରରେ ୨ଜଣ ପ୍ରାୟ ଦେଢ଼ ଘଣ୍ଟାରୁ ଅଧିକ ସମୟ ଧରି ଶ୍ରୀମନ୍ଦିର ଭିତରେ ରହିବା ସହ ମହାପ୍ରଭୁଙ୍କ ବଡ଼ସିଂହାର ବେଶ ଦର୍ଶନ କରି ଫେରିଥିଲେ।
ମହାପ୍ରଭୁଙ୍କ ଦର୍ଶନ ସାରି ଉଭୟ ଭୁବନେଶ୍ବର ଫେରି ଯାଇଥିଲେ। ସୂଚନାଯୋଗ୍ୟ , ଗୋବିନ୍ଦା ଅଭିନୟ ସାଙ୍ଗକୁ ରାଜନୀତିରେ ବି ସକ୍ରିୟ ଥିଲେ । ସେ ଥରେ ଲୋକସଭା ନିର୍ବାଚନ ଲଢ଼ି ସାଂସଦ ବି ହୋଇଥିଲେ। କିନ୍ତୁ ପରେ ଆଉ ରାଜନୀତିରେ ଆଗ୍ରହ ଦେଖାଇ ନଥିଲେ।
