ଭୁବନେଶ୍ୱର,ଏନ୍ଏନ୍ଏସ୍: ଭୁବନେଶ୍ୱର ପୁଲିସ ଅଧିନ ଖଣ୍ଡଗିରି ଆଇଆଇସି ବୋଲି ପରିଚୟ ଦେଇ ଯୁବତୀଙ୍କୁ ପ୍ରେମ ନିବେଦନ କରିଥିବା ଜଣେ ଯୁବକଙ୍କୁ ପୁଲିସ ଗିରଫ କରିଥିବା ଜଣାପଡ଼ିଛି। ବଡ଼ଗଡ଼ ଅଞ୍ଚଳରୁ ସମ୍ପୃକ୍ତ ଯୁବକ ଏବଂ ଗଣମାଧ୍ୟମ ସଂସ୍ଥାରେ ଚାକିରି କରୁଥିବା ତାଙ୍କ ସହଯୋଗୀଙ୍କୁ ଖଣ୍ଡଗିରି ଥାନା ପୁଲିସ ଗିରଫ କରିଥିବା ଜଣାପଡ଼ିଛି।
ସାରା ଦେଶ କରୋନା ମହାମାରୀ ସହିତ ଯୁଦ୍ଧ କରୁଥିବା ବେଳେ ପୁଲିସ ମଧ୍ୟ ଏହି ଯୁଦ୍ଧ ଲଢ଼ୁଛି।
ମାତ୍ର କେତେକ ଅମାନସିକ ବ୍ୟକ୍ତି ଏହି ସମୟରେ ଦ୍ୱନ୍ଦ ସୃଷ୍ଟି କରି ପୁଲିସ କାର୍ଯ୍ୟକୁ ବଢ଼ାଇବା ସହ ପୁଲିସ ନାଁ ଖରାପ କରୁଥିବା ଦେଖାଯାଇଛି। ସୂଚନା ଅନୁସାରେ ବଡ଼ଗଡ଼ ଅଞ୍ଚଳରୁ ଏକ ଯୁବକ ନିଜକୁ ଖଣ୍ଡଗିରି ଥାନା ଆଇଆଇସି ବୋଲି ପରିଚୟ ଦେଇ ଜଣେ ଦୁଷ୍କର୍ମ ପୀଡ଼ିତାଙ୍କୁ ପ୍ରେମ ନିବେଦନ କରିଥିଲେ। ଏ ନେଇ ଅଭିଯୋଗ ହେବା ପରେ ଆଜି ଖଣ୍ଡଗିରି ପୁଲିସ ତାଙ୍କୁ ଓ ତାଙ୍କୁ ସହଯୋଗ କରିଥିବା ଯୁବକଙ୍କୁ ଗିରଫ କରିଛି।
