ଟୁଇନ ସିଟିରେ ହେବନି ଗଣେଶ ପୂଜା

ଭୁବନେଶ୍ୱର,ଏନ୍ଏନ୍ଏସ୍: ଭୁବନେଶ୍ୱର ଓ କଟକର କୌଣସି ମଣ୍ଡପରେ ଚଳିତ ବର୍ଷ ଗଣେଶ ପୂଜା ପାଳିତ ହେବନାହିଁ। କରୋନା କଟକଣା ଯୋଗୁ ଧର୍ମୀୟ ସମାବେଶ ମନାଥିବାରୁ ମଣ୍ଡପରେ ଗଣେଶ ପୂଜାକୁ ବାରଣ କରାଯାଇଛି। ସେଥିପାଇଁ ଗୋଷ୍ଠୀଗତ ଭାବେ ମଣ୍ଡପରେ ଗଣେଶ ପୂଜା ହୋଇପାରିବ ନାହିଁ। ଏନେଇ କମିଶନରେଟ ପୁଲିସ ପକ୍ଷରୁ ଟ୍ୱିଟ୍ କରି ସୂଚନା ଦିଆଯାଇଛି। ଏମିତିକି ଏଥର ମୁମ୍ବାଇରେ ମଧ୍ୟ ଗଣେଶ ପୂଜା ଅନୁଷ୍ଠିତ ହେବନାହିଁ। ତେଣୁ ସମସ୍ତେ ସହଯୋଗ କରିବାକୁ ପ୍ରଶାସନ ପକ୍ଷରୁ ନିବେଦନ କରାଯାଇଛି।