ଝାରସୁଗୁଡ଼ା,ଏନ୍ଏନ୍ଏସ୍: ଝାରସୁଗୁଡ଼ା ଜିଲ୍ଲା ବିଟିଏମ ଫାଣ୍ଡି ପୁଲିସ ଏକ ଜୁଆ ଆଡ୍ଡା ଉପରେ ଚଢ଼ଉ କରି ୬ଜଣଙ୍କୁ ଗିରଫ କରିଛି। ଏଥିସହିତ ୬୪ ହଜାର ୪୦୦ ନଗଦ ଟଙ୍କା, ୪ଟି ମୋଟର ସାଇକେଲ ଓ ୬ଟି ଫୋନ ଜବତ କରାଯାଇଛି। ଗିରଫ ହୋଇଥିବା ଅଭିଯୁକ୍ତମାନେ ହେଲେ ଅଲେଖ ସିଂ, ବିପିନ ବିହାରୀ ପସାୟତ, ନିତ୍ୟାନନ୍ଦ ପଟେଲ, ରବି ମରାଇ, ଦାନି ବେଶନ, ତରଣୀଧର ବେହେରା।
ସୂଚନାନୁଯାୟୀ, ଶୁକ୍ରବାର ବିଳମ୍ବିତ ରାତିରେ ଏଚ କଁଟାପାଲିସ୍ଥିତ ଏକ ଆଶ୍ରମରେ ଜୁଆଖେଳ ଚାଲିଥିଲା। ଏନେଇ ବିଟିଏମ ଫାଣ୍ଡି ପୁଲିସ କୌଣସି ସୂତ୍ରରୁ ଖବର ପାଇ ତୁରନ୍ତ ଆଶ୍ରମରେ ଚଢ଼ଉ କରି ୬ଜଣଙ୍କୁ ଗିରଫ କରିବାରେ ସଫଳ ହୋଇଥିଲା।
