ବାଲିପାଟଣା,ଏନ୍ଏନ୍ଏସ୍: ବାଲିଅନ୍ତା ପୁଲିସ ଏକ ଜୁଆ ଆଡ୍ଡାରେ ଚଢଉ କରି ୩ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ବାଲିଅନ୍ତା ଥାନା ବଇଁଚୁଆ ଗ୍ରାମର ବାବାଜୀ ସାହୁ, କୈଳାସ ସାହୁ ଏବଂ ସରୋଜ ସାହୁ । ସୂଚନା ଅନୁସାରେ, ବାଲିଅନ୍ତା ଥାନା ବଇଁଚୁଆ ହାଇସ୍କୁଲ ପରିସରରେ ଜୁଆ ଖେଳ ହେଉଥିବା ନେଇ ପୁଲିସ ସୂଚନା ପାଇ ଥାନା ଅଧିକାରୀ ପ୍ରଦୀପ କୁମାର ରାଉତ ଏକ ଟିମ୍ ସହ ସେଠାରେ ଚଢଉ କରିଥିଲେ । ଜୁଆ ଖେଳୁଥିବା ୩ ଜଣଙ୍କୁ ଗିରଫ କରିଥିଲେ । ଏମାନଙ୍କ ନିକଟରୁ ୫ ପ୍ୟାକେଟ ତାସ୍ ଏବଂ ୧୬ ହଜାର ୭ ଶହ ଟଙ୍କା ଜବତ ହୋଇଛି।
