କର୍ଲାମୁଣ୍ଡା,ଏନ୍ଏନ୍ଏସ୍: ଗଜବାହାଲସ୍ଥିତ ଗୋବର୍ଦ୍ଧନ ପୀଠରେ ଷଷ୍ଠ ଗଜବାହାଲ ମହୋତ୍ସବ ଉଦଘାଟିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷା କୁନି ସାହୁ ମୁଖ୍ୟଅତିଥି ଭାବେ ଯୋଗଦେଇ କାର୍ଯ୍ୟକ୍ର୍ରମକୁ ଉଦଘାଟନ କରିଥିଲେ । ଏହି ଅବସରରେ ଶ୍ରୀ ରାମଚରିତ ମାନସ ପାରାୟଣ ମଧ୍ୟ ଆରମ୍ଭ ହୋଇଛି । ବଲାଙ୍ଗିର ଜିଲ୍ଲା ତୁଷୁରା ନିକଟସ୍ଥ ଚାଣ୍ଟିପଦର ଗାଁର ସୀତା ଯୋଶୀ ବ୍ୟାସ ଭାବେ ଯୋଗ ଦେଇଥିବାବେଳେ ରାଜେଶ ସାହୁ ଓ ମିଲି ସାହୁ କର୍ତ୍ତା ଦାୟିତ୍ୱ ତୁଲାଇଛନ୍ତି । ପ୍ରଥମ ସନ୍ଧ୍ୟାରେ ଟିଟିଲାଗଡ଼ ଆଇଏସଆଇ ଡ୍ୟାନ୍ସ ଗ୍ରୁପର ନୃତ୍ୟରେ ମଞ୍ଚ ଦୁଲୁକି ଥିଲା । ମହୋତ୍ସବ କମିଟି ସମ୍ପାଦକ ସୁବାସ ଚନ୍ଦ୍ର ପାଢ଼ୀ, ପୂର୍ବତନ ବ୍ଲକ ଅଧ୍ୟକ୍ଷ ପବିତ୍ର ଭୋଇ, ଜନ ପ୍ରଧାନ, ନୃପମଣି ଗହୀର , ବିଦ୍ୟାଧର ବାଗ, ସନ୍ତୋଷ ଦାସ, ଫକୀର ମାଝୀ ଓ ତରୁଣ ଭୋଇ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ସୌଭାଗ୍ୟ ସାହୁ କାର୍ଯ୍ୟକ୍ରମ ସଂଚାଳନ କରିଥିଲେ ।
