ଚିଲିକା,ଏନ୍ଏନ୍ଏସ୍: ବିଜେପି କେନ୍ଦ୍ରୀୟ ପ୍ରଭାରୀ ଜି.ପୁରେନ୍ଦରଶ୍ୱରୀ ଚିଲିକା ଗସ୍ତ କରିଛନ୍ତି । ଆସନ୍ତା ୨୮ତାରିଖରେ ବିଜେପି କେନ୍ଦ୍ରୀୟ ସଭାପତି ଜଗତ ପ୍ରସାଦ ନଡ୍ଡା ଓଡ଼ିଶା ଗସ୍ତ କାର୍ଯ୍ୟକ୍ରମ ରହିଛି । ସେଥିପାଇଁ ବିଜେପିର ଏକ ଆଡଭାନ୍ସ ଟିମ୍ ବାଣପୁର ଓ ନାଚୁଣୀରେ ହେବାକୁ ଥିବା ସଭାସ୍ଥଳକୁ ପରିଦର୍ଶନ କରିଛନ୍ତି । ଏହି ସମୟରେ କେନ୍ଦ୍ରୀୟ ପ୍ରଭାରୀ ଜି.ପୁରେନ୍ଦରଶ୍ୱରୀଙ୍କ ବ୍ୟତୀତ ପୂର୍ବତନ ମନ୍ତ୍ରୀ ସୁରମା ପାଢ଼ୀ, ରାଜ୍ୟ ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ ଓ ନୟାଗଡ଼ ଜିଲ୍ଲା ସାଧାରଣ ସମ୍ପାଦକ ପରେଶ ମିଶ୍ର ପ୍ରମୁଖ ଉପସ୍ଥିତ ଥିଲେ ।
ସୂଚନାଯୋଗ୍ୟ, ଜେପି ନଡ୍ଡା ପୁରୀ ଲୋକସଭା ଅଧିନ ଚିଲିକା ନିର୍ବାଚନ ମଣ୍ଡଳୀର ବାଣପୁରରେ ଏକ ସାଧାରଣ ସଭାରେ ଉଦବୋଧନ ଦେବାସହ ନାଚୁଣୀରେ ପୁରୀ ଲୋକସଭା ଅଧିନରେ ଥିବା ବିଜେପିର ସମସ୍ତ ନିର୍ବାଚିତ ଲୋକ ପ୍ରତିନିଧି ଓ ମଣ୍ଡଳ ସଭାପତିଙ୍କ ଦଳୀୟ କାର୍ଯ୍ୟକ୍ରମରେ ଯୋଗଦେବେ ।
