ଭୁବନେଶ୍ବର,ଏନ୍ଏନ୍ଏସ୍: ୟୁନାଇଟେଡ୍ ସ୍କୁଲ୍ ଅଫ୍ ବିଜନେସ୍ ମ୍ୟାନେଜମେଣ୍ଟ ତରଫରୁ ଏକ ମାଗଣା ସ୍ବାସ୍ଥ୍ୟ ପରୀକ୍ଷା ଶିବିର ଆୟୋଜିତ ହୋଇଯାଇଛି। ଭୁବନେଶ୍ବରର ସିଏସ୍ ପୁର ନିକଟ ଜଗର୍ସ ପାର୍କରେ ଫେବୃଆରୀ ୨୫ ତାରିଖରେ ଏହି ଶିବିର ଆୟୋଜନ କରାଯାଇଥିଲା। ଏହି ଶିବିରକୁ ୟୁଏସ୍ବିଏମ୍ କଲେଜର ନିର୍ଦ୍ଦେଶକ ସୌମ୍ୟକାନ୍ତ ବଳବନ୍ତ ରାୟ, ଉପଦେଷ୍ଟା ଡ.କାହ୍ନୁଚରଣ ସ୍ବାଇଁ ଓ ଅଧ୍ୟକ୍ଷ ଡ. ସଂଜୀବ କୁମାର ଦାସ ଉଦ୍ଘାଟନ କରିଥିଲେ। ଏଥିସହିତ କଲେଜର ସମସ୍ତ ଅଧ୍ୟାପକ ଓ ଅଧ୍ୟାପିକା ଉପସ୍ଥିତ ରହି ଶିବିର ପରିଚାଳନା କରିଥିଲେ। ଏହି ଶିବିରରେ ୧୦୦ରୁ ଊର୍ଦ୍ଧ୍ବ ସ୍ଥାନୀୟ ଲୋକ ନିଜନିଜର ସ୍ବାସ୍ଥ୍ୟ ପରୀକ୍ଷା କରାଇଥିଲେ। ଏଥିରେ ୟୁଏସ୍ବିଏମ୍ କଲେଜର ଓ୍ବାଇଆର୍ସି ୟୁନିଟ୍ ସହଯୋଗ କରିଥିଲେ।
