ଫିରିଙ୍ଗିଆ,ଏନ୍ଏନ୍ଏସ୍: ଫିରିଙ୍ଗିଆ ବନାଞ୍ଚଳ ଅନ୍ତର୍ଗତ ଗୋଛାପଡ଼ା ସେକ୍ସନର ଗୋଛାପଡ଼ା ଗ୍ରାମପଞ୍ଚାୟତ ସଭାଗୃହରେ ଗ୍ରାମପଞ୍ଚାୟତସ୍ତରୀୟ ଜଙ୍ଗଲ ନିଆଁ ପ୍ରତିରୋଧ ଓ ନିରାକରଣ ସଚେତନତା ବୈଠକ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଗୋଛାପଡ଼ା ସରପଞ୍ଚ ଯୁଗାନ୍ତ କହଁର ସଭାପତିତ୍ୱ କରିଥିଲେ । ଅନ୍ୟମାନଙ୍କ ମଧ୍ୟରେ ଗୋଛାପଡ଼ା ନାଏବ ସରପଞ୍ଚ, ଗ୍ରାମପଞ୍ଚାୟତ ନିର୍ବାହୀ ଅଧିକାରୀ, ସମସ୍ତ ୱାର୍ଡ ମେମ୍ବର, ଅଙ୍ଗନବାଡି କର୍ମୀ, ଆଶାକର୍ମୀ, ବନ ସୁରକ୍ଷା ସମିତିର ସଭ୍ୟସଭ୍ୟା, ଗୋଛାପଡ଼ା ସେକ୍ସନ ଫରେଷ୍ଟର ଦିଲ୍ଲୀପ ବିଶୋଇ, ଗୋଛାପଡ଼ା ଫୋରେଷ୍ଟ ଗାର୍ଡ ଅଚ୍ୟୁତାନନ୍ଦ ଗଣ୍ଡା, ସ୍ୱେଚ୍ଛାସେବୀ ଅନୁଷ୍ଠାନ ପାହାଡ଼ର ଟିମ ଲିଡ଼ର ମନୋଜ କୁମାର ସାହୁ ଓ ଉନ୍ନୟନ ଅଧିକାରୀ ପ୍ରମୁଖ ଉପସ୍ଥିତ ରହି ଜଙ୍ଗଲକୁ କିପରି ନିଆଁ ଦାଉରୁ ସୁରକ୍ଷା ଦିଆଯାଇ ପାରିବ ସେନେଇ ଉପସ୍ଥିତ ଥିବା ଜନସଧାରଣଙ୍କୁ ସଚେତନ କରିବା ସହ ଶପଥ ପାଠ କରେଇଥିଲେ ।
