ଦେଓଗାଁ,ଏନ୍ଏନ୍ଏସ୍: ଦେଓଗାଁ ଫରେଷ୍ଟ ରେଞ୍ଜ ଅନ୍ତର୍ଗତ କୁଡ଼ାସିଂହା ଫରେଷ୍ଟ ସେକ୍ସନ ଅଧୀନରେ ଥିବା ବିଭିନ୍ନ ଗାଁ’ରେ ବନ ବିଭାଗ ଚଢ଼ଉ କରି ଲକ୍ଷାଧିକ ଟଙ୍କାର ପଟା ଜବତ କରିଛି। ବଲାଙ୍ଗୀର ବନ ବିଭାଗର ସ୍ପେଶାଲ ସ୍କ୍ବାର୍ଡ଼ ରବିବାର ଦିନ ସାଆନ୍ତମୁଣ୍ଡା, ନୂଆପଡା, ଚିରଗୁନପାଲି ଗାଁ’ରେ ଚଢ଼ଉ କରି ସାବୁନ, ବିଜା, ଗମ୍ଭାରୀ, ରେଙ୍ଗାଳ କାଠକୁ ଜବତ କରିଛି ବନବିଭାଗ।
ଏହି ଚଢ଼ଉରେ ୮୮ ପିସ ପଟା ଓ ଗୋଟିଏ ଶାଳ ଗଛ ଜବତ ହୋଇଛି। ଚିରଗୁନ ପାଲିର ଅଚ୍ୟୁତ ବନଛୋରଙ୍କୁ ଗିରଫ କରି ଦେଓଗାଁ ବନ ବିଭାଗ ହାଜତରେ ରଖିଥିବା ସୂଚନା ମିଳିଛି। ଏହି ଚଢ଼ଉରେ ଦେଓଗାଁ ରେଞ୍ଜ ଷ୍ଟାପ୍ ସହ ଜିଲ୍ଲା ମୋବାଇଲ ୟୁନିଟର କର୍ମଚାରୀ ମାନେ ସାମିଲ ଥିଲେ।
