ଦେଓଗାଁ,ଏନ୍ଏନ୍ଏସ୍: ଦେଓଗାଁ ବନାଞ୍ଚଳ ଅନ୍ତର୍ଗତ ଦେଓଗାଁ ଫରେଷ୍ଟ ସେକ୍ସନର ବରକାନୀ ରାସ୍ତାରେ ବନ ବିଭାଗ ଚଢ଼ଉ କରି ଶାଳ ଗଣ୍ଡି ଜବତ କରିଥିବା ଜଣାପଡ଼ିଛି । ମିଳିଥିବା ରିପୋର୍ଟ ମୁତାବକ, ଶିରାବାହାଲ-ବରକାନୀ ରାସ୍ତା ଉପରେ ଥିବା ଖେଳପଡ଼ିଆ ନିକଟରେ ବେଆଇନ ଭାବରେ ଶାଳ ଗଣ୍ଡିରୁ ଚୌକାଠ ନିର୍ମାଣ କରାଯାଉଥିବା ଖବର ପାଇ ଦେଓଗାଁ ବନ ବିଭାଗ ଚଢ଼ଉ କରିଥିଲା । ଚଢ଼ଉ ସ୍ଥାନରୁ ୧୦ଟି ଶାଳ ଗଣ୍ଡିକୁ ଜବତ କରି ଦେଓଗାଁସ୍ଥିତ ବନ ବିଭାଗର କାର୍ଯ୍ୟାଳୟକୁ ଅଣାଯାଇଥିବା ନେଇ ଦେଓଗାଁ ରେଞ୍ଜର ଆଲୋକ ମାଝୀ ସୂଚନା ଦେଇଛନ୍ତି । ବନ କର୍ମଚାରୀଙ୍କ ସହ ଭିତିରିଆ ସମ୍ପର୍କ ଥିବାରୁ ଚଢ଼ଉ ହେବାର ସୂଚନା ପାଇ କାଠ କରତିଆମାନେ ଫେରାର ହୋଇ ଯାଇଥିଲେ । ଫଳରେ କେବଳ କାଠ ଗଣ୍ଡି ସହ ୨ଖଣ୍ଡ ଚୌକାଠକୁ ବନ କର୍ମଚାରୀ ଜବତ କରିଥିଲେ ।
