ନୂଆଦିଲ୍ଲୀ,ଏଜେନ୍ସି: ଦିଲ୍ଲୀର ଜାମିଆ ବିଶ୍ୱବିଦ୍ୟାଳୟ ନିକଟରେ ଜଣେ ଦୁର୍ବୃତ୍ତ ଗୁଳିକାଣ୍ଡ କରିଥିବା ଜଣାପଡ଼ିଛି। ଏଥିରେ ଜଣେ ଆହତ ହୋଇଥିବା ଜଣାପଡ଼ିଛି। ଖୁଲମଖୁଲା ଜଣେ ଯୁବକ ବନ୍ଧୁକ ଚଳାଉଥିବା ଉକ୍ତ ବ୍ୟକ୍ତିକୁ ପୁଲିସ ଅଟକ ରଖିଥିବା ବେଳେ ଏହାର ଭିଡିଓ ଭାଇରାଲ ହୋଇଛି।
ସୂଚନା ଅନୁସାରେ ଗୁରୁବାର ସିଏଏ ବିରୋଧରେ ଜାମିଆ ବିଶ୍ୱବିଦ୍ୟାଳୟ ପକ୍ଷରୁ ଏକ ପଦଯାତ୍ରା ଅନୁଷ୍ଠିତ ହୋଇଥିଲା। ଜାମିଆ ଠାରୁ ରାଜଘାଟ ପର୍ଯ୍ୟନ୍ତ ଆୟୋଜିତ ଏହି ପଦଯାତ୍ରା ସମୟରେ ଉକ୍ତ ଯୁବକ ଜଣଙ୍କ ଏକ ବନ୍ଧୁକ ଧରି ଏହି ପଦଯାତ୍ରା ବନ୍ଦ କରିବାକୁ କହିବା ସହ ଗୁଳି କରିବାକୁ ଧମକ ଦେଉଥିଲେ। ଏଥିସହ ସେ ଏକ ରାଉଣ୍ଡ ଫାୟାରିଂ କରିବାରେ ଜଣେ ଆହତ ହୋଇଥିଲେ। ତେବେ କାହିଁକି ସେ ଏଭଳି କରୁଥିଲେ ଏବଂ ସେ କିଏ ସେ ସମ୍ପର୍କରେ କୌଣସି ସ୍ପଷ୍ଟିକରଣ ମିଳିପାରିନାହିଁ। ତେବେ ପୁଲିସ ଉକ୍ତ ଯୁବକକୁ କାବୁ କରିବା ସହ ପଚରାଉଚୁରା ଜାରି ରଖିଛି।
