ବ୍ରାହ୍ମଣୀଗାଁ,ଏନ୍ଏନ୍ଏସ୍: କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଲକ୍ ତିଲୋରୀ ପଞ୍ଚାୟତ ଜଗେରମାହା ଗ୍ରାମର ଜୋସେଫ୍ ପ୍ରଧାନଙ୍କ ଘରେ ବିଦ୍ୟୁତ୍ ସର୍ଟସର୍କିଟ ଯୋଗୁଁ ନିଆଁ ଲାଗି ଘର ସମ୍ପୂର୍ଣ୍ଣ ଜଳିପୋଡ଼ିଯାଇଛି। ଘରେ ଥିବା ପରିବାର ଲୋକ ଅଳ୍ପକେ ବର୍ତ୍ତି ଯାଇଛନ୍ତି। ଜୋସେଫ ପ୍ରଧାନ କାମ କରିବା ପାଇଁ ବାହାରକୁ ଯାଇଥିବା ବେଳେ ବିଦ୍ୟୁତ୍ ସର୍ଟସର୍କିଟ ଯୋଗୁଁ ଘରେ ନିଆଁ ଲାଗି ଯାଇଥିଲା। ଘରେ ଥିବା ଗ୍ୟାସ୍ ବିଦ୍ୟୁତ୍ ସଂସ୍ପର୍ଶରେ ଆସି ଗ୍ୟାସ୍ ହାଣ୍ତି ଫାଟିଯିବା ଫଳରେ ନିଆଁର ପ୍ରକୋପକୁ ଆୟତ୍ତ କରିବା ସମ୍ଭବ ପର ହୋଇନଥିଲା। ଫଳରେ ଲକ୍ଷାଧିକ ଟଙ୍କାର ସମ୍ପତି ପୋଡି ପାଉଁଶ ହୋଇଯାଇଛି।
ଦାରିଙ୍ଗବାଡି ଅଗ୍ନିଶମ ବିଭାଗ ଘଟଣାସ୍ଥଳରେ ପହଁଚିଲା ବେଳକୁ ଘର ସମ୍ପୂର୍ଣ୍ଣ ପୋଡି ଯାଇଥିଲା। ନିଆଁ ଲାଗିବା ଦ୍ବାରା ଜୋସେଫ୍ଙ୍କ ଘରେ ଥିବା ନଗଦ ୯ ଲକ୍ଷ ୬୦ ହଜାର ଟଙ୍କା, ମିଲ ସହିତ ସୁନା ୬୦ ଗ୍ରାମ, ରୁପା ଟଙ୍କା ଓ ପାଉଁଜି ମିଶି ୩୦ ଗୋଟି, ଚାଉଳ ୯୦ କ୍ମିଣ୍ଡାଲ, ଧାନ ୧୦୦ ବସ୍ତା, ପିତଳ ମାଠିଆ, କ୍ୟାସିଓ, ମୋବାଇଲ, ସୋଲାର ପ୍ଲେଟ, ସହ ଘରେ ଥୁବା ବିଭିନ୍ନ ଜରୁରୀ ଆସବାବପତ୍ର ଜଳିପୋଡି ପାଉଁଶ ହୋଇଯାଇଛି।
