ଗିଫ୍ଟ ଦୋକାନ ଗୋଦାମ ଗୃହରେ ଅଗ୍ନିକାଣ୍ଡ, ଆଖପାଖ ଦୋକାନରେ ଲାଗିଲା ନିଆଁ

ପାଟଣାଗଡ଼,ଏନ୍ଏନ୍ଏସ୍: ପାଟଣାଗଡ଼ ମୁଖ୍ୟ ରାସ୍ତାରେ ଥିବା ମାମତନ ଗଲି ନବୀନ ଗିଫ୍ଟ ଦୋକାନର ଗୋଦାମ ଗୃହରେ ଶୁକ୍ରବାର ହଠାତ୍‍ ନିଆଁ ଲାଗିଯାଇଛି। ସେହିପରି ଗୋଦାମ ଗୃହରେ ନିଆଁ ଲାଗି ଅନ୍ୟ ଦୋକାନକୁ ବ୍ୟାପୀଯାଇଛି। ଖବର ପ୍ରସାରିତ ହେବାରେ ସମସ୍ତ ଲୋକ ଏକଜୁଟ ହୋଇ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ। ଏ ନେଇ ସ୍ଥାନୀୟ ଲୋକମାନେ ଦମକଳ ବାହିନୀକୁ ଖବର ଦେଇଥିଲେ।

ପରେ ପାଟଣାଗଡ଼ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ସେତେବେଳେକୁ ବଜାରର ଅନେକ ଦୋକନ ଜଳିଯାଇଥିବା ବେଳେ ସମସ୍ତଙ୍କର ବ୍ୟାପକ କ୍ଷୟକ୍ଷତି ହୋଇଥିବା ଜଣାଯାଇଛି। ତେବେ ଅଗ୍ନିକାଣ୍ଡର ପ୍ରକୃତ କାରଣ ଜଣାପଡ଼ିନଥିବା ବେଳେ କୌଣସି ଜୀବନ ହାନୀ ହୋଇନଥିବା ଜଣାଯାଇଛି।

ସେହିପରି ବିଦ୍ୟୁତ୍ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ବିଦ୍ୟୁତ୍ ସରବରାହ ବନ୍ଦ କରିଛନ୍ତି। ତେବେ ବର୍ତ୍ତମାନ ପର୍ଯ୍ୟନ୍ତ କ୍ଷୟକ୍ଷତିର ଆକଳନ କରାଯାଇନାହିିଁ।