ମହାରାଷ୍ଟ୍ର ରାଜନୀତି ସଙ୍କୀର୍ତ୍ତନର ଦହିହାଣ୍ଡି ଭଙ୍ଗାହେବ ଆସନ୍ତାକାଲି !
ଗତ ୨୩ ତାରିଖ ଶନିବାର ସମସ୍ତ ସକାଳ ଖବରକାଗଜରେ ହେଡଲାଇନ ଥିଲା ଉଦ୍ଧବ ହେବେ ମୁଖ୍ୟମନ୍ତ୍ରୀ। କିନ୍ତୁ ଅତ୍ୟନ୍ତ ନାଟକୀୟ ଭାବେ ସେହି ଦିନ ସକାଳ ୮ଟା ବେଳକୁ ସମସ୍ତ ନ୍ୟୁଜ ଚାନେଲ ଓ ସୋସିଆଲ ମିଡିଆଗୁଡିକରେ ଖବର ଆସିଲା ଫଡନାଭିସ୍ ପୁଣି ମହାରାଷ୍ଟ୍ରର ମୁଖ୍ୟମନ୍ତ୍ରୀ। ସକାଳୁ ସକାଳୁ ପ୍ରିଣ୍ଟ ମିଡିଆ ଓ ଇଲୋକ୍ଟ୍ରୋନିକ୍ସ ମିଡିଆକୁ ନେଇ ଜନସାଧାରଣ କିଛି ସମୟ ପାଇଁ ଦ୍ୱନ୍ଦରେ ରହିଲେ। ଆଖିରୁ ନିଦ ଛାଡିନଥିବାବେଳେ ଏପରି ଖବରକୁ ନେଇ ହୋସ୍ ଉଡିଯାଇଥିଲା ଲୋକଙ୍କର। ଏ କି ପ୍ରକାରର ରାଜନୀତି ! ରାତି ଅଧିଆ ବଦଳି ଯାଉଛି ସବୁକିଛି। ହତାଠ୍ ଏପରି ସକାଳୁ ସକାଳୁ କେହି କିଛି ବୁଝିବା ପୂର୍ବରୁ ବଦଳି ଯାଇଥିଲା ମହାରାଷ୍ଟ୍ର ରାଜନୀତିର ଦୃଶ୍ୟପଟ। ୨୪ ପ୍ରହର ଧରି ଚାଲିଲା ରାଜନୀତିର ସଙ୍କୀର୍ତ୍ତନ। ଆଉ ଆଜି ନାଟକର ଯବନିକା ପଡିଲା ପରି ଲାଗୁଛି। କିନ୍ତୁ ଏହି ସଙ୍କୀର୍ତ୍ତନର ପୂର୍ଣ୍ଣାହୁତି ସହ ଦହିହାଣ୍ଡି ଭଙ୍ଗାହେବ ଆସନ୍ତାକାଲି। ଆଉ ଜଣାପଡିବ କିଏ ଏହି ସଙ୍କୀର୍ତ୍ତନର କର୍ତ୍ତା କିଏ?