ଚେନ୍ନାଇ: ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂହ ଧୋନୀ କାଲି ଅର୍ଥାତ୍ ଜୁଲାଇ ୭ରେ ୪୨ତମ ଜନ୍ମଦିନ ପାଳନ କରିବେ । ଧୋନୀଙ୍କ ଜନ୍ମଦିନରେ ଫ୍ୟାନ୍ସ ପ୍ରତି ବର୍ଷ କିଛି ନା କିଛି ଖାସ୍ କରିଥାନ୍ତି । ଏହିକ୍ରମେ ଚଳିତ ବର୍ଷ ମଧ୍ୟ ଧୋନୀଙ୍କୁ ଆନ୍ଧ୍ରପ୍ରଦେଶ ଫ୍ୟାନ୍ ଏକ ସ୍ୱତନ୍ତ୍ର ଉପହାର ଦେଇଛନ୍ତି । ଆନ୍ଧ୍ରପ୍ରଦେଶରେ ଧୋନୀଙ୍କ ସବୁଠୁ ବଡ଼ କଟଆଉଟ ଫ୍ୟାନ୍ସ ଲଗାଇଛନ୍ତି । ଏହାର ଉଚ୍ଚତା ୭୭ ଫୁଟ ହେବ ବୋଲି ଜଣାପଡ଼ିଛି । ଏହି କଟଆଉଟର ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।
ସୂଚନାଯୋଗ୍ୟ, ୨୦୨୩ରେ ମହେନ୍ଦ୍ର ସିଂହ ଧୋନୀ ଚେନ୍ନାଇ ସୁପର କିଙ୍ଗସର ଅଧିନାୟକ ଦାୟିତ୍ୱ ତୁଲାଇଥିଲେ । ଚଳିତ ବର୍ଷ ଚେନ୍ନାଇ ୫ମ ଥର ପାଇଁ ଟ୍ରଫି ଜିତିବାରେ ସଫଳ ହୋଇଛି । ଧୋନୀ ତାଙ୍କ ଆଇପିଏଲ କ୍ୟାରିୟରର ମୋଟ ୨୫୦ ମ୍ୟାଚ ଖେଳି ସାରିଛନ୍ତି । ସେଥିମଧ୍ୟରୁ ୨୧୮ ମ୍ୟାଚରେ ବ୍ୟାଟିଂ କରି ୫ହଜାର ୮୨ ରନ୍ କରିବାରେ ସଫଳ ହୋଇଛନ୍ତି । ଏଥିରେ ୨୪ଟି ଅର୍ଦ୍ଧଶତକ ସାମିଲ ରହିଛି ।
