କୋଲକାତା,ଏଜେନ୍ସି: ରାଜ୍ୟର ନୈହାଟୀ ଥାନା ଅନ୍ତର୍ଗତ ଦେବକ ଅଞ୍ଚଳରେ ଏକ ବାଣ ଫାକ୍ଟ୍ରିରେ ଦୁର୍ଘଟଣା ଘଟି ୫ ଜଣଙ୍କ ମୃତ୍ୟୁ ହୋଇଥିବା ବେଳେ ୩ ଅଧିକ ଲୋକ ଆହତ ହୋଇଛନ୍ତି। ଆହତଙ୍କୁ ନୈହାଟୀ ଷ୍ଟେଟ୍ ନ୍ରୋଲ୍ ହସ୍ପିଟାଲ୍ରେ ଭର୍ତ୍ତି କରାଯାଇଛି। ଆହତମାନଙ୍କ ଅବସ୍ଥା ଗୁରୁତର ଥିବା ନେଇ ଡାକ୍ତରଖାନା ପକ୍ଷରୁ ସୂଚନା ଦିଆଯାଇଛି। ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଛି। ଅବୈଧ ଭାବରେ ଏହି ବାଣ କାରଖାନାଟି ଚାଲୁଥିବା ବେଳେ ଶୁକ୍ରବାର ଦ୍ୱିପ୍ରହର ୧୨ଟା ସମୟରେ ଫ୍ୟାକ୍ଟ୍ରିରେ କାମ ଆରମ୍ଭ ହେବାର କିଛି ସମୟ ପରେ ଦୁର୍ଘଟଣା ଘଟିଥିଲା। ଦୁର୍ଘଟଣାର ଭୟବହତା ଏତେମାତ୍ରାରେ ରହିଥିଲା ଯେ, ସାତ-ଆଠ କିଲୋମିଟର ପର୍ଯ୍ୟନ୍ତ ଶବ୍ଦ ବ୍ୟାପିଯାଇଥିଲା। ଦୁର୍ଘଟଣାରେ ଆଖପାଖର ବିଭିନ୍ନ ଘର ମଧ୍ୟ ଜଳିଯାଇଛି। ଏହାର ଏକ ବର୍ଷ ପୂର୍ବରୁ ମଧ୍ୟ ନୈହାଟୀର ଅନ୍ୟ ଏକ ବୈଧ ବାଣ କାରଖାନାରେ ଦୁର୍ଘଟଣା ଘଟି ପାଞ୍ଚ ଜଣଙ୍କ ମୃତ୍ୟୁ ହୋଇଥିଲା।
