ଜାମ୍ମୁ କାଶ୍ମୀର: ଶ୍ରୀନଗର ଲାବେପୋରା ଅଞ୍ଚଳରେ ଆତଙ୍କୀ ଓ ସୁରକ୍ଷାବଳ ମଧ୍ୟରେ ଚାଲିଛି ଗୁଳିବିନିମୟ । ଏହି ଗୁଳି ବର୍ଷାରେ ଜଣେ ସିଆରପିଏଫ ଯବାନ ସହିଦ ହେବା ସହ ଦୁଇ ଆତଙ୍କୀ ନିହତ ହୋଇଛନ୍ତି । ସେନାର ସୂଚନାନୁଯାୟୀ ଶ୍ରୀନଗରରେ ନାକା ପାର୍ଟି ଚେକିଙ୍ଗ ଅଭିଯାନ ଚାଲିଥିବା ସମୟରେ ଗୋଟିଏ କାର୍ରେ ଦୁଇ ଆତଙ୍କୀ ଲୁଚି ରହିଥିଲେ ।
ଏହି ସମୟରେ ସେନା ଆତଙ୍କୀଙ୍କ ଉପସ୍ଥିତ ଜାଣି ଉକ୍ତ ସ୍ଥାନକୁ ଘେରାବନ୍ଦି କରିନେଇଥିଲା । ଫଶିଥିବା ଦେଖି ସୁରକ୍ଷାବଳଙ୍କ ଉପରେ ଫାଇରିଙ୍ଗ କରିବା ଆରମ୍ଭ କରିଥିଲେ ଆତଙ୍କୀ । ତେବେ ଏହି ଫାଇରିଙ୍ଗରେ ଜଣେ ସିଆରପିଏଫ ଯବାନ ସହିଦ ହୋଇଥିଲେ । ସେନାର ପ୍ରତିଆକ୍ରମଣରେ ଦୁଇ ଆତଙ୍କୀ ନିହତ ହୋଇଛନ୍ତି ।
