ହରିୟାଣା: ବିଗବସ୍ ଓଟିଟି ୨ ବିଜେତା ଏଲଭିସ ଯାଦବଙ୍କ ଯାଦୁ ଏବେ ସମଗ୍ର ଦେଶରେ ଦେଖିବାକୁ ମିଳୁଛି । ହରିୟାଣା ନିବାସୀ ଏଲଭିସ ନିଜ ରାଜ୍ୟ ପହଞ୍ଚିବା ପରେ ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କୁ ଭେଟିଛନ୍ତି । ଏହି ଅବସରରେ ବିଗବସ ଜିତିଥିବାରୁ ଏଲଭିସଙ୍କୁ ମୁଖ୍ୟମନ୍ତ୍ରୀ ଖଟ୍ଟର ଶୁଭେଚ୍ଛା ଜଣାଇଛନ୍ତି । ଏନେଇ ମୁଖ୍ୟମନ୍ତ୍ରୀ ନିଜେ ଟ୍ୱିଟ୍ କରି ସୂଚନା ପ୍ରଦାନ କରିଛନ୍ତି ।
ସୂଚନାଯୋଗ୍ୟ, ଏଲଭିସ ଯାଦବ ପ୍ରଥମ ୱାଇଲଡ କାର୍ଡ ଭାବେ ବିଗବସ ବିଜେତା ହୋଇ ଇତିହାସ ରଚିଛନ୍ତି । ଏଲଭିସ ଜଣେ ପ୍ରସିଦ୍ଧ ୟୁଟ୍ୟୁବର ଓ ଇନଫ୍ଲୁଏନ୍ସର । ନିଜ ଲୋକପ୍ରିୟତା ଯୋଗୁ ସେ ଶୋ’ରେ ଖୁବ୍ ଭୋଟ ପାଇଥିଲେ । ଖାସ୍ କଥାଟି ହେଲା, ଶୋ’ରେ ଏଣ୍ଟ୍ରି କରିବା ପରଠୁ ଏଲଭିସଙ୍କ ଫଲୋଅର୍ସଙ୍କ ସଂଖ୍ୟା ଲଗାତା ଭାବେ ବଢ଼ିବାରେ ଲାଗିଛି ।
