ଅନୁଗୁଳ,ଏନ୍ଏନ୍ଏସ୍: ଅନୁଗୁଳ ହଣ୍ଡପା ରେଞ୍ଜ ଲକ୍ଷ୍ମୀପୁର ଗାଁ ନିକଟ ଜଙ୍ଗଲରୁ ସୋମବାର ଏକ ଦନ୍ତାହାତୀର ମୃତ ଦେହ ଉଦ୍ଧାର କରାଯାଇଛି। ତେବେ ବାରହା ଶିକାର ପାଇଁ ବିଛାଯାଇଥିବା ବିଦ୍ୟୁତ୍ ତାର ସଂସ୍ପର୍ଶରେ ହାତୀଟି ଆସିଯିବାରୁ ଉକ୍ତ ହାତୀଟିର ମୃତ୍ୟୁ ହୋଇଥିବା ସନ୍ଦେହ ହେଉଛି। ସେହିପରି ହାତୀଟିର ବୟସ ଜଣାପଡ଼ିନାହିିଁ।
ଏ ସମ୍ପର୍କରେ ବନବିଭାଗକୁ ଖବର ଦେବା ପରେ ହଣ୍ଡପା ରେଞ୍ଜର୍ ଚୈତନ୍ୟ ବେହେରା ଏବଂ ଆଠମଲ୍ଲିକ ବନଖଣ୍ଡ ଅଧିକାରୀ ସୌମ୍ୟ ସାମନ୍ତରା ବନକର୍ମଚାରୀଙ୍କ ସହ ଘଟଣାସ୍ଥଳରେ ପହଞ୍ଚିଥିଲେ। ଆଠମଲ୍ଲିକ ପଶୁଚିକିତ୍ସାଳୟର ଡାକ୍ତର ଦୀପକ ଷଡ଼ଙ୍ଗୀ ଶବ ବ୍ୟବଚ୍ଛେଦ କରାଇବା ପରେ ମୃତ ଦନ୍ତାଟିକୁ ସେଠାରେ ପୋତି ଦିଆଯାଇଛି।
