ଦେବଗଡ଼,ଏନ୍ଏନ୍ଏସ୍: ରିଆମାଳ ଥାନା ବରଘାଟ ଗ୍ରାମରେ ଜଣେ ନବବଧୂକୁ ବଡ଼ ଯା’ ଗ୍ଲୁକୋଜରେ ବିଷ ଦେଇ ହତ୍ୟା କରିଥିବା ନେଇ ରିଆମାଳ ଥାନାରେ ଲିଖିତ ଅଭିଯୋଗ ହୋଇଛି । ଏନେଇ ନବବୋଧୂଙ୍କ ମା’ ଝରଣା ପ୍ରଧାନ ଅଭିଯୋଗ ଆଣିଛନ୍ତି । ମିଳିଥିବା ରିପୋର୍ଟ ମୁତାବକ, ଗତ ମାର୍ଚ୍ଚ ୧୦ ତାରିଖରେ ଦେବଗଡ଼ ଥାନା କାପାସିରା ଗ୍ରାମର ଝସକେତନ ପ୍ରଧାନଙ୍କ ଝିଅ ପୂଜା ପ୍ରଧାନ ରିଆମାଳ ଥାନା ବରଘାଟ ଗ୍ରାମର ପ୍ରଫୁଲ୍ଲ ସାହୁଙ୍କ ପୁଅ କାଳିନ୍ଦୀ ସାହୁଙ୍କୁ ବିବାହ କରିଥିଲେ । ତେବେ ଗତକାଲି ପୂଜା ଅସୁସ୍ଥ ଥିବାବେଳେ ବଡ଼ ଯା’ ମମତା ସାହୁ ଗ୍ଲୁକୋଜରେ ବିଷ ମିଶାଇ ପିଆଇଥିବା ନେଇ ମୃତକଙ୍କ ପରିବାର ପକ୍ଷରୁ କୁହାଯାଇଛି । ପୂଜାକୁ ଗତକାଲି ଗୁରୁତର ଅବସ୍ଥାରେ ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଥିବାବେଳେ ଅବସ୍ଥା ଗୁରୁତର ହେବାରୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ମାତ୍ର ସେଠାରେ ଡାକ୍ତର ପୂଜାଙ୍କୁ ମୃତ ଘୋଷଣା କରିଥିଲେ ।
