ମହାରାଷ୍ଟ୍ର: ଇଡି ଦ୍ୱାରା ପାତ୍ର ଚଲ ମାମଲାରେ ଗିରଫ ହୋଇଥିବା ଶିବସେନା ନେତା ସଞ୍ଜୟ ରାୱତଙ୍କ ପତ୍ନୀ ବର୍ଷା ରାୱତଙ୍କୁ ଆଜି ସମନ ଜାରି କରାଯାଇଛି । ବର୍ଷାଙ୍କୁ ଆସନ୍ତାକାଲି ସକାଳ ୧୧ଟାରେ ହାଜର ହେବାକୁ କୁହାଯାଇଛି। ବର୍ଷାଙ୍କ ବ୍ୟାଙ୍କ ଆକାଉଣ୍ଟର ଲେଣଦେଣକୁ ଦୃଷ୍ଟିରେ ରଖି ସମନ ଜାରି କରାଯାଇଥିବା ନେଇ ଇଡି ପକ୍ଷରୁ କୁହାଯାଇଛି ।
ସୂଚନାଯୋଗ୍ୟ, ଗୋରେଗାଁବରେ ପାତ୍ର ଚଲର ପୁର୍ନବିକାଶରେ କଥିତ ବିତ୍ତୀୟ ଅନିୟମିତତା ଏବଂ ତାଙ୍କ ପତ୍ନୀଙ୍କ ସମ୍ପତ୍ତି ସହ ଜଡ଼ିତ ଆର୍ଥିକ ଲେଣଦେଣ ମାମଲାରେ ସଞ୍ଜୟ ରାୱତଙ୍କୁ ଗିରଫ କରାଯାଇଛି । ଆଜି ସଞ୍ଜୟଙ୍କୁ ମୁମ୍ବାଇର ଏକ କୋର୍ଟରେ ହାଜର କରାଯାଇଥିଲା । କୋର୍ଟ ସଞ୍ଜୟଙ୍କ ଇଡି ହଜାତ ଅବଧି ଅଗଷ୍ଟ ୮କୁ ବଢ଼ାଇ ଦେଇଛନ୍ତି ।
