ନୂଆଦିଲ୍ଲୀ,ଏଜେନ୍ସି: ଆଫଗାନିସ୍ଥାନରୁ ଭାରତକୁ ଆସିଥିବା ସବୁ ନାଗରିକଙ୍କ ପାଇଁ ଇ-ଭିସା ବାଧ୍ୟତାମୂଳକ କରାଯାଇଛି। ଆଫଗାନିସ୍ଥାନରେ ତାଲିବାନ କବଜା କରିବା ପରେ ସେଠାରେ ରହୁଥିବା ଲୋକମାନେ ଦେଶ ଛାଡ଼ି ଅନ୍ୟତ୍ର ପଳାୟନ କରୁଛନ୍ତି। ଏହି ସମୟରେ ଅନେକ ଆଫଗାନି ଭାରତକୁ ଆସୁଥିବାରୁ ଏହି ନିଷ୍ପତ୍ତି ନିଆଯାଇଛି। ସେହିପରି ଭାରତରେ ଏବେ ରହୁନଥିବା ଆଫଗାନିଙ୍କ ଭିସାକୁ ରଦ୍ଦ କରାଯାଇଛି। ସେହିପରି ଯେଉଁ ନାଗରିକମାନେ ଭାରତକୁ ଆସିବାକୁ ଚାହୁଁଛନ୍ତି ସେମାନଙ୍କୁ ଇ-ଭିସା ଆବେଦନ କରିବାକୁ ପଡ଼ିବ। ଏ ସମ୍ପର୍କରେ କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ କୁହାଯାଇଛି।
