ମୁମ୍ବାଇ: ବଲିଉଡ ସୁପରଷ୍ଟାର ଅକ୍ଷୟ କୁମାର ଓ ଅଭିନେତ୍ରୀ କିଆରା ଆଡଭାଣୀଙ୍କ ବହୁ ପ୍ରତିକ୍ଷୀତ ଫିଲ୍ମ ‘ଲକ୍ଷ୍ମୀ ବମ୍ବ’ ଲକଡାଉନ ସତ୍ୱେ ରିଲିଜ ହେବାକୁ ଯାଉଛି। କାରଣ ଫିଲ୍ମର ନିର୍ମାତା ଦର୍ଶକଙ୍କୁ ଖୁସି କରିବା ପାଇଁ ଅଣ୍ଟା ଭିଡ଼ିଛନ୍ତି। ମିଳିଥିବା ରିପୋର୍ଟ ମୁତାବକ ଫିଲ୍ମଟିକୁ କରୋନା ଯୋଗୁଁ ସିନେମା ହଲରେ ନୁହେଁ ଡିଜିଟାଲ ପ୍ଲାଟଫର୍ମରେ ରିଲିଜ କରିବା ପାଇଁ ପ୍ରସ୍ତୁତି ଚାଲିଛି। ଅକ୍ଷୟ ଓ ନିର୍ଦ୍ଦେଶକ ରାଘବ ଲୋରେନ୍ସ ଫିଲ୍ମର ରିଲିଜ ତାରିଖ ପାଇଁ ଅଟିଟି କମ୍ପାନୀ ସହ ଆଲୋଚନା ଜାରି ରଖିଛନ୍ତି। ଯଦି ସବୁକିଛି ଠିକଠାକ୍ ରୁହେ ତେବେ ଫିଲ୍ମଟି ଖୁବଶୀଘ୍ର ଡିଜିଟାଲ ପ୍ଲାଟଫର୍ମରେ ରିଲିଜ ହେବ।
