ମାଲକାନଗିରି,ଏନ୍ଏନ୍ଏସ୍: ପୁଲିସ ଡ୍ରୋନ୍ ସହାୟତାରେ ମାଓବାଦୀଙ୍କ ଗତିବିଧି ଦୃଶ୍ୟ କ୍ୟାମେରାରେ କଏଦ ହୋଇଛି। ମାଲକାନଗିରି ସୀମାନ୍ତ ଛତିଶଗଡ଼ର ସୁକମା ଜିଲ୍ଲାରେ ମାଓବାଦୀଙ୍କ ନିର୍ଦ୍ଦେଶରେ ଶହ ଶହ ଗ୍ରାମବାସୀ ରାସ୍ତା କାଟିବାକୁ ଯାଉଥିବା ସମୟର ଦୃଶ୍ୟ ଡ୍ରୋନ କ୍ୟାମେରାରେ ରେକର୍ଡ ହୋଇଛି। କିସ୍ତରାମ ପୁଲିସ ଷ୍ଟେସନ ଅଞ୍ଚଳର ପାଲୋଡି ଅଞ୍ଚଳର ଏହି ଦୃଶ୍ୟ।
ସୂଚନା ଅନୁଯାୟୀ, ପାଲୋଡି ଜଙ୍ଗଲରେ ନାଳପାରି ହେଉଥିବା ବେଳେ ସୁରକ୍ଷା ବଳୟ ଡ୍ରୋନ ଉଡାଇଥିଲେ। ସେମାନେ ଜାତୀୟ ରାଜପଥକୁ କାଟି ରାସ୍ତା ଅବରୋଧ କରିବାକୁ ଯାଉଥିବା କୁହାଯାଉଛି। ମାଓବାଦୀମାନଙ୍କ ସହ ଶହ ଶହ ନିରୀହ ଗ୍ରାମବାସୀମାନେ ଥିବାରୁ ସେମାନଙ୍କ ଉପରେ ଆକ୍ରମଣ ସମ୍ଭବ ହୋଇ ପାରି ନଥିବା ସୁକମା ଏସପି ଶାଲାବ ସିହ୍ନା କହିଛନ୍ତି। ତେବେ ପୁଲିସ ପକ୍ଷରୁ ମାଓବାଦୀମାନଙ୍କ ଗତିବିଧି ଉପରେ କଡ଼ା ନଜର ରଖାଯାଇଛି ବୋଲି ସେ ସୂଚନା ଦେଇଛନ୍ତି।
