ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଡାୟରେକ୍ଟେଟ ଅଫ ରେଭିନ୍ୟୁ ଇଣ୍ଟେଲିଜେନ୍ସ(ଡିଆରଆଇ)କୁ ବଡ଼ ସଫଳତା ମିଳିଛି । ଡିଆରଆଇ ଦିଲ୍ଲୀରୁ ୪୩୪ କୋଟି ଟଙ୍କାର ହିରୋଇନ ଜବତ କରିବା ସହ ଜଣଙ୍କୁ ଗିରଫ କରିଛି । ଏହାକୁ ଏୟାର କାର୍ଗୋରୁ ଜବତ କରାଯାଇଥିବା ଜଣାପଡ଼ିଛି ।
ସୂଚନାଯୋଗ୍ୟ, ଏନେଇ ଡିଆରଇକୁ ଏକ ବିଶେଷ ସୂଚନା ମିଳିଥିଲା । ପରେ ମେ’ ୧୦ରେ ‘ବ୍ଲାକ ଏଣ୍ଡ ହ୍ୱାଇଟ’ ନାମକ ଏକ ଅଭିଯାନ ଆରମ୍ଭ ହୋଇଥିଲା । ଟିମ୍ ଘଟଣାସ୍ଥଳରେ ପହଞ୍ଚିବା ପରେ ୫୫ କିଲୋ ହିରୋଇନ ଜବତ କରିଥିଲା । ଡ୍ରଗ୍ସର ଏହି ବଡ଼ ବ୍ୟାଚ ୟୁଗାଣ୍ଡାରୁ ଦୁବାଇ ରାସ୍ତା ଦେଇ ଦିଲ୍ଲୀ ପହଞ୍ଚିଥିଲା ।
