କାଳ ବୈଶାଖୀର ତାଣ୍ଡବ ରୂପ

ଦେବଗଡ଼,ଏନ୍ଏନ୍ଏସ୍ : ଆଜି ସନ୍ଧ୍ୟା ସମୟରେ ଦେବଗଡ଼ ଜିଲ୍ଲା ରିଆମାଳ ବ୍ଲକ ଅନ୍ତର୍ଗତ ବିଭିନ୍ନ ଗ୍ରାମରେ କାଳ ବୈଶାଖୀ ପ୍ରଭାବରେ ବ୍ୟାପକ କ୍ଷୟ କ୍ଷତି ଘଟିଥିବା ଜଣା ପଡିଛି । ରିଆମାଳ ବ୍ଲକ ନାଉଲିପଡା ପଂଚାୟତ ଓ ସାନ ଡ଼ଙ୍ଗାଘାଟ ଗ୍ରାମରେ କାଳ ବୈଶାଖୀ ପ୍ରଭାବରେ ବଡ଼ ବଡ଼ ଗଛ ଭାଙ୍ଗି ପଡ଼ିଥିବା ବେଳେ ବିଦ୍ୟୁତ ଖୁଣ୍ଟ ଭାଙ୍ଗି ଯାଇଥିବାରୁ ବିଦ୍ୟୁତ ସରବରାହ ବାଧା ପ୍ରାପ୍ତ ହୋଇଥିବା ବେଳେ ଅନେକଙ୍କ ଆଜବେଷ୍ଟ ଛାତ ଉଡିଯାଇଛି ।

ଘର ଛାତ ଉଡ଼ିଯିବା ଫଳରେ ଘରର ଆସବାବ ପତ୍ର ନଷ୍ଟ ହେବା ସହ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ନଷ୍ଟ ହୋଇଥିବା ଜଣା ପଡିଛି । ସାନ ଡ଼ଙ୍ଗାଘାଟ ଗ୍ରାମର ଚନ୍ଦ୍ରକାନ୍ତ ସାମଲ ଓ ପ୍ରସନ୍ନ ଖିଲାରଙ୍କ ଘର ଆଜବେଷ୍ଟ ଛାତ ଉଡି ଯାଇଥିବା ବେଳେ ଘର ଉପରେ ଗଛ ମାଡି ବସିଥିବା ଜଣା ପଡିଛି । ପବନ ଥମିବା ପରେ କ୍ଷତିଗ୍ରସ୍ତ ପରିବାର ଭଙ୍ଗା ଛାତ ତଳୁ ସେମାନଙ୍କ ଛିନଭିନ୍ନ ହୋଇ ଉଡିଯାଇ ନଷ୍ଟ ହୋଇଥିବା ସାମଗ୍ରୀ ସାଉଣ୍ଟୁ ଥିବା ଦେଖିବାକୁ ମିଳିଛି ।