ବନରକ୍ଷୀଙ୍କୁ କାଠ ଚୋରଙ୍କ ହତ୍ୟା ଧମକ

ଦେବଗଡ,ଏନ୍ଏନ୍ଏସ୍ : ଦେବଗଡ ବନଖଣ୍ଡ କୁଣ୍ଢେଇଗୋଳା ସେକ୍ସନ ଅନ୍ତର୍ଗତ ସଂଙ୍ଗାପଶି ଜଙ୍ଗଲରୁ ପଡ଼ୋଶୀ ଅନଗୁଳ ଜିଲ୍ଲା ଛେଣ୍ଡିପଦା ଥାନା ଅନ୍ତର୍ଗତ ପାଟକମୁଣ୍ଡା ଗ୍ରାମର କେତେକ ଦୁବୃର୍ତ ବନରକ୍ଷୀଙ୍କୁ ଆକ୍ରମଣ କରି ଗଛକାଟି ଚୋରି କରି ନେଉଥିବା କୁଣ୍ଢେଇଗୋଳା ଥାନାରେ ଅଭିଯୋଗ ହୋଇଛି। ଅଭିଯୋଗ ଆଧାରରେ କୁଣ୍ଢେଇଗୋଳା ଥାନା ପୁଲିସ ଏକ ମାମଲା ଋୁଜ୍ଜୁ କରି ଘଟଣାର ତଦନ୍ତ ଆରମ୍ଭ କରିଛି ।

ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଦେବଗଡ ବନଖଣ୍ଡ କୁଣ୍ଢେଇଗୋଳା ସେକ୍ସନ ଅନ୍ତର୍ଗତ ସଂଙ୍ଗାପଶି ଜଙ୍ଗଲ ରୁ ପଡୋଶୀ ଅନଗୁଳ ଜିଲ୍ଲା ଛେଣ୍ଡିପଦା ଥାନା ଅନ୍ତର୍ଗତ ପାଟକମୁଣ୍ଡା ଗ୍ରାମର କେତେକ ଦୁର୍ବୃତ ଗଛକାଟି ଚୋରି କରି ନେଉଥିବା ସୂଚନା ପାଇ ବନ କର୍ମଚାରୀମାନେ ଘଟଣା ସ୍ଥଳରେ ପହଚିଂଥିଲେ।

ତେବେ ଅନଗୁଳ ଜିଲ୍ଲା ଛେଣ୍ଡିପଦା ଥାନା ଅନ୍ତର୍ଗତ ପାଟକମୁଣ୍ଡା ଗ୍ରାମର ଭିକାରୀ ପ୍ରଧାନଙ୍କ ପୁଅ ରଘୁୁ ପ୍ରଧାନ(୫୫) ଓ ବୁଟି ପ୍ରଧାନ ଙ୍କ ପୁଅ ଲୁଲୁ ପ୍ରଧାନ (୩୫)୨ଟି ଶଗଡ ଗାଡିରେ ଜଙ୍ଗଲ ମଧ୍ୟରୁ କଂଚା ଗଛ ସବୁ କାଟି ନେଇଯାଉଥିବା ବେଳେ ବନରକ୍ଷୀ କାର୍ତିକେୟ ପ୍ରଧାନ ସେମାନଙ୍କୁ ଅଟକାଇବାକୁ ଚେଷ୍ଟା କରିବାରୁ ଅଭିଯୁକ୍ତମାନେ ବନରକ୍ଷୀ ଶ୍ରୀ ପ୍ରଧାନଙ୍କୁ ଗାଳି ଗୁଳଜ କରି ହତ୍ୟା ଧମକ ଦେବା ସହ ସେ ଯାଇଥିବା ସରକାରୀ ଗାଡି ଭଙ୍ଗାରୁଜ୍ଜା କରିଥିଲେ। ଫଳରେ ବନ ରକ୍ଷୀ ଶ୍ରୀ ପ୍ରଧାନ ମୋବାଇଲରେ ଅଭିଯୁକ୍ତଙ୍କ ଫଟୋ ଉଠାଇବା ସହ କୁଣ୍ଢେଇଗୋଳା ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଆଧାରରେ କୁଣ୍ଢେଇଗୋଳା ଥାନା ପୁଲିସ ଉପରୋକ୍ତ ଅଭିଯୁକ୍ତ ବିରୁଦ୍ଧରେ ବିଭିନ୍ନ ଦଫାରେ ମାମଲା ଋୁଜ୍ଜୁ କରି ଘଟଣାର ତଦନ୍ତ ଆରମ୍ଭ କରିଛି ।