ଆଳି,ଏନ୍ଏନ୍ଏସ୍: ଆଳି ଥାନା ଅନ୍ତର୍ଗତ ପେତପଡ଼ା ଗ୍ରାମର ଦିନକାଣୀ ନଦୀରେ ନିଖୋଜ ହୋଇଥିବା ଜଣେ ବୃଦ୍ଧଙ୍କ ମୃତଦେହ ଉଦ୍ଧାର କରାଯାଇଛି। ବୃଦ୍ଧ ଜଣକ ହେଉଛନ୍ତି କେଶବ ଦାସ । ମିଳିଥିବା ରିପୋର୍ଟ ମୁତାବକ, ଗତ ରବିବାର ଦିନ କାଣୀ ନଦୀ ସ୍ରୋତରେ କେଶବ ଭାସିଯିବା ପରେ ତାଙ୍କୁ ଗ୍ରାମବାସୀଙ୍କ ସମେତ ଦମକଳ ବାହିନୀ ଖୋଜାଖୋଜି କରିଥିଲେ ସୁଦ୍ଧା ତାଙ୍କର ପତ୍ତା ମିଳିନଥିଲା। ରାତି ହୋଇଯିବାରୁ ଆଜି ସକାଳୁ ପୁଣିଥରେ ଗ୍ରାମବାସୀଙ୍କ ସହିତ ଦମକଳ କର୍ମଚାରୀ ଖୋଜିବା ଆରମ୍ଭ କରିଥିଲେ। ପରେ ଗ୍ରାମ ମୁଖ୍ୟରାସ୍ତାଠାରୁ ୨ଶହ ମିଟର ଦୂରରେ ଥିବା ଗୋଖାବାରି ନିକଟରେ ତାଙ୍କ ମୃତଦେହ ଠାବ ହୋଇଛି।
