ଦୁର୍ଘଟଣାଗ୍ରସ୍ତ ଟ୍ରକକୁ ଧକ୍କା ଦେଲା ବାଇକ୍, ୩ ଯୁବକ ମୃତ

ସୁନ୍ଦରଗଡ଼,ଏନ୍ଏନ୍ଏସ୍: ରାସ୍ତା ଉପରେ ପଡ଼ି ରହିଥିବା ଦୁର୍ଘଟଣାଗ୍ରସ୍ତ ଟ୍ରକକୁ ପଛପଟୁ ଏକ ବାଇକରେ ୩ଜଣ ଯୁବକ ଆସି ପିଟି ହୋଇଛନ୍ତି। ଫଳରେ ଘଟଣାସ୍ଥଳରେ ୩ଜଣଙ୍କର ମୃତ୍ୟୁ ହୋଇଛି। ଏପରି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି ସୁନ୍ଦରଗଡ଼ ତଳସରା ଥାନା ସବଡେଗା-ବାଲିଶଂକରା ରାସ୍ତାର ସବଡେଗା ନିକଟ କୂଳହିଆଯୋର ନିକଟରେ। ସୂଚନା ଅନୁସାରେ ସବଡେଗା ଅଞ୍ଚଳର ୩ସାଙ୍ଗ ଏକ ବାଇକରେ ବାଲିଶଙ୍କରା ଅଞ୍ଚଳକୁ ଭୋଜି ଖାଇବା ପାଇଁ ଯାଇଥିଲେ ।

ଗୁରୁବାର ଦିନ ଦୁଇଟି ଟ୍ରକ ଖରାପ ହୋଇ ରାସ୍ତା ଉପରେ ପଡିରହିଥିଲା। ଭୋଜି ଖାଇ ବିଳମ୍ବିତ ରାତ୍ରିରେ ଫେରୁଥିବା ବେଳେ ସେମାନେ ଉକ୍ତ ଟ୍ରକକୁ ଦେଖନପାରି ଟ୍ରକକୁ ପଛପଟୁ ପିଟି ଥିଲେ। ଯେଉଁଥିରେ ବାଇକରେ ଥିବା ୩ଜଣ ସାଙ୍ଗଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ଶୁକ୍ରବାର ସକାଳେ ପୁଲିସ ଖବରପାଇ ଘଟଣାସ୍ଥଳରେ ପହଞ୍ଚି ମୃତଦେହ ଗୁଡିକୁ ଉଦ୍ଧାର କରିଛି। ତେବେ ଏଠାରେ ପୁଲିସ ଅବହେଳା ସାମ୍ନାକୁ ଆସିଛି ଦିନ ବେଳା ଦୁର୍ଘଟଣାଗ୍ରସ୍ତ ହୋଇଥିବା ଟ୍ରକକୁ ରାସ୍ତା ଉପରେ ଛାଡି ଦିଆ ଯାଇଥିଲା । ଯାହା ଫଳରେ ଏହି ଦୁର୍ଘଟଣା ଘଟିଛି