ପାଟଣା,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ପାଟଣା ଥାନା ଶଙ୍ଖୁଆ ଗ୍ରାମ ନିକଟରେ ଥିବା ଏକ କାଜୁ ବଗିଚାରୁ ଜଣେ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର ହୋଇଛି। ସାହାରପଡା ଫାଣ୍ଡି ପୁଲିସ ମୃତ ଉଦ୍ଧାର କରିଥିବା ଜଣାପଡିଛି। ମୃତକ ହେଲେ ଶଙ୍ଖୁଆ ଗ୍ରାମର ସମା ଗୋଇପାଇ(୧୯)।
ଖବର ଅନୁଯାୟୀ ସମା ୨ଦିନ ପୂର୍ବରୁ ନିଖୋଜ ଥିଲେ। ଶନିବାର ସକାଳୁ ଗାଁ ଲୋକେ ନିକଟ ଜାଜୁ ବଗିଚାରେ ଝୁଲନ୍ତା ମୃତ ଦେହ ଦେଖି ପୁଲିସକୁ ଖବର ଦେଇଥିଲେ। ପରେ ପୁଲିସ ସେଠାରେ ପହଞ୍ଚି ମୃତଦେହ ଜବତ କରିଛି। ଏନେଇ ପାଟଣା ଥାନାରେ ୧୭/୨୦ରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ତେବେ ଆତ୍ମହତ୍ୟାର ପ୍ରକୃତ କାରଣ ଜଣାପଡିନଥିବା ବେଳେ ପୁଲିସ ଘଟଣାର ତଦନ୍ତ କରିଛି।
