ଝାରସୁଗୁଡ଼ା,ଏନ୍ଏନ୍ଏସ୍: ବ୍ରଜରାଜନଗର ଥାନା ରାଜପୁର କଟାପାଲି ଗ୍ରାମର ଏକ ବିଲରୁ ଜଣେ ବୃଦ୍ଧାଙ୍କର ଗଳିତ ଶବ ପୁଲିସ ଉଦ୍ଧାର କରିଛି। ମୃତ ବୃଦ୍ଧା ଜଣକ ବଘରଚକା ଗ୍ରାମର ବାସନ୍ତୀ ସିଂହ(୭୦) ବୋଲି ଜଣାପଡିଛି। ତେବେ ମୃତ ବୃଦ୍ଧାଙ୍କ ଗଳିତ ଶବର ବିଭିନ୍ନ ଅଙ୍ଗ ପ୍ରତ୍ୟଙ୍ଗକୁ ବନ୍ୟଜନ୍ତୁମାନେ ଏଣେତେଣେ ପକାଇଥିବା ଦେଖିବାକୁ ମିଳିଛି। ଖବର ପାଇ ବ୍ରଜରାଜନଗର ଆଇଆଇସି ନଳିତା ମୋଦି, ଗାନ୍ଧିଛକ ଫାଣ୍ଡି ଅଧିକାରୀ ଶଶିଭୂଷଣ ପୋଢ଼, ଏଏସଆଇ ଦୁବରାଜ କାଲୋ, କ୍ଷୀରୋଦ୍ର ବିହାରୀ ବାଗଙ୍କ ସହ ସାଇଣ୍ଟିଫିକ୍ ଦଳ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ବାସନ୍ତୀଙ୍କ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ପୁଲିସ ସୁତ୍ରରୁ ଜଣାପଡ଼ିଛି।
